(Pikit, North Cotabato/ February 20, 2014)
---Napaslang ang kasapi ng Bureau of Fire Protection matapos na pagbabarilin ng
di pa nakilalang suspek sa loob ng Pikit Public Market, Pikit, North Cotabato
bago mag-alas 5:00 kahapon ng hapon.
Kinilala ni PInps. Mautin Pangandigan, OIC
Chief of Police ng Pikit PNP ang biktima na si Fire Officer 2 Taib Mamasalagat
Acob, 43-anyos, may asawa at residente ng Barangay Buliok ng nasabing bayan.
Batay sa inisyal na pagsisiyasat ng mga
kapulisan, nasa loob umano ng tindahan ng isada ang biktima at bumibili ng
tali ng pagbabarilin ng tatlong beses ng
di pa nakilalang suspek gamit ang kalibre .45 na pistol batay sa mga narekober
na bala sa crime scene.
Patay on the spot ang biktima matapos na
mapuruhan sa leeg at kanang braso nito.
Mabilis namang tumakas ang suspek sa
direksiyon ng Pagalungan, Maguindanao lulan ng CT100 Kawasaki na Motorsiklo.
Sa ngayon nagpapatuloy ang masusing
imbestigasyon ng Pikit PNP para alamin ang totoong motibo sa nasabing shooting
incident. Rhoderick Beñez
0 comments:
Mag-post ng isang Komento