(Kabacan, North Cotabato/ February 21, 2014)
---Binisita kahapon (February 20, 2014) ni Mayor Herlo Guzman, Jr. ang apat na
barangays sa Bayan ng Kabacan ito ay upang magkaroon ng pagkakataon ang alkalde
na personal niyang makita ang ibat-ibang problema na kinakaharap ng mga
barangays at mga kakulangan sa mga basic social services.
Isa rin itong paraan upang personal niyang
makausap ang mga tao at direkta niyang marinig ang kanilang mga hinaing at
pangangailangan.
Una niyang binisita ang Barangay Aringay na
kung saan personal niyang pinasinayaan ang Graduation program ng Farmers’ Field
School.
Dito, kanyang ipinahayag ang kanyang
malaking suporta upang mapaangat at umunlad ang sector ng agrikultura sa bayan
ng Kabacan.
Sunod niyang binisita ang Barangay Nangaan
na kanya ring personal na nakausap si
Barangay Captain Matog Lumambas at ang mga kagawad nito.
Nagkaroon ng pagkakataon ang alkalde na
mamigay ng mahigit dalawang daang tsinelas sa mga bata, mahigit 900 kulambo sa
mga pamilya, at health kits at mga payong para sa mga health workers ng
barangay.
Para kay Mayor Guzman, isang napakalaking
prebilihiyo na kaniyang makasama, makausap at makita ang mga ngiti ng mga tao
sa Nangaan.
Ito, ayon pa sa kanya, ang kanyang magiging
lakas upang maipursige ang pagpaparating ng kaunlaran sa Barangay Nangaan.
Sa pagbisita ng alkalde sa Barangay
Sanggadong, isang Kanduli ng pamilyang Macalipat ang sumalubong sa kanya.
Kanyang personal na nakausap si Barangay
Captain Macalipat kasama ang ibat-ibang kagawad ng barangay.
Sa meeting kanina, kaniyang pinaabot sa mga opisyales ng
barangay na isa ang barangay Sanggadong na makakatanggap ng Multi-Purpose Drier
Project mula sa DA Region XII.
Nagkaroon din ng pagkakataon na kanyang
makausap si Barangay Captain Zacarias Tado ng Barangay Buluan sa isang informal
meeting na ginanap sa Barangay Buluan.
Masaya ang alkalde sa mainit na pagtanggap
sa kanya at sa kanilang ipinapakitang suporta sa kanyang liderato.
Kasama ni mayor Guzman ang kanyang mga staff
at heads of offices ng LGU, si Hon. Barangay Captain Mike Remulta ng Poblacion,
Aladin Mantawil ng Salapungan, SB Member Datu Masla Mantawil, miyembro ng AFP
at PNP sa kanyang Barangay Immersion Program, ito ayon sa report ni Kabacan LGU
Information Officer Sarah Jane Corpuz
Guerrero
0 comments:
Mag-post ng isang Komento