Isang 48-anyos na magsasaka pinagbabaril sa Kabacan, Cotabato

Written by: Rhoderick Beñez

(Kabacan, North Cotabato) December 24, 2011 --- Sa ulo ang tama ng isang 48-anyos na magsasaka makaraang pagbabarilin ng mga riding in tandem na mga suspek sa Bonifacio St., Poblacion, Kabacan, Cotabato alas 11:25 kaninang umaga.

Sa report ng Kabacan PNP, kinilala ang biktima na si Blah Amilol na residente ng Purok Makabinban, Cuyapon, Kabacan na mabilis namang isinugod sa Kabacan Medical Specialist para mabigyan ng karampatang lunas.

Agad namang tumakas ang mga salarin sakay sa motorsiklo matapos maisakatuparan ang pamamaril gamit ang .45 na pistol base empty shell na narekober sa crime scene.

Patuloy pang iniimbestigahan ng mga otoridad ang nasabing pangyayari habang nagpapatuloy ang hot pursuit operation.

Posible umanong away sa lupa ang motibo ng pamamaril, ayon sa inisyal na imbestigasyon ng mga otoridad.

Read More

1 kritikal habang 4 na iba pa sugatan sa nangyaring pagsabog ng IED sa Kabacan, Cotabato

Written by: Rhoderick Benez

(Kabacan, North Cotabato) December 24, 2011 --- Lima ang naitalang sugatan, dalawang araw bago magpasko, kungsaan isa sa mga naging biktima ay malubha sa nangyaring pagsabog ng improvised explosive device o IED sa Corner Malvar St., at Aglipay St., Poblacion, Kabacan, Cotabato partikular sa isang tindahan na pag-aari ni Rey Grigillana dakong alas 6:45 kagabi.

Kinilala ni P/Supt. Joseph Semillano, hepe ng Kabacan PNP ang mga sugatan na sina: Renato Mendoza, 39, may asawa at residente ng Purok Sto. Nino, Bonifacio St., Poblacion ng bayang ito kungsaan nasa malubhang kalagayan makaraang tamaan ng shrapnel sa iba’t-ibang bahagi ng kanyang katawan.

Elsa Araiz, 42, may asawa at residente ng Ma. Clara St., Poblacion, Kabacan; Russel Bigwas, 18, single, USM Student at residente ng Purok Masagana, Poblacion, Kabacan;  Jovelyn Ligo Haro, 19, single at pansamantalang na ninirahan sa Bonifacio St., Poblacion, Kabacan at Darwin Galas, 40, may asawa at residente ng Poblacion ng nabanggit na bayan.

Ang mga biktima ay mabilis namang isinugod sa Kabacan Polymedic Hospital at USM Hospital.

Subalit si Mendoza na nasa malubhang kalagayan ay inilipat naman sa Cotabato Provincial Hospital para sa operasyon dahil bumaon sa likurang bahagi ng katawan nito ang fuse ng 81millimeter mortar. 

Sa report, dalawang 81mm na ied’s na kapwa pinagdikit ang itinanim sa lugar subalit isa lamang sa mga ito ang sumabog dahil ang isa ay isang tinatawag na low order type na ied.

Sa ngayon patuloy pang inaalam ng mga otoridad ang totoong motibo ng pagpapasabog.

Inatasan na rin ni Kabacan Mayor George Tan ang mga pulisya na palalimin pa ang imbestigasyon sa panibago na namang pananabotahe sa bayan.

Read More

6 na taong gulang na batang may Cerebral Palsy na tubong Kabacan, nakatanggap ng biyaya ngayong Pasko

(written by: Rhoderick Beñez)

(Kabacan, North Cotabato) December 23, 2011 ---    Mangiyak-ngiyak at walang masidlan ng tuwa ng surpresahin ng mga kasapi ng MSWDO Kabacan kahapon kasama ng DXVL News si Regina Tenebro ng Purok 3, Malamote, Kabacan makaraang mabigyan ng wheelchair ang anak nito na may cerebral palsy.

Ayon kay Kabacan Person’s with Disability focal Person Honey Joy Cabellon ang nasabing Wheelchair ay ibinigay ng J-Peace Union sa pakikipagtulungan ng MSWDO Kabacan.

Si Kenneth Tenebro, anim na taong gulang ay maroong tinatawag na Cerebral Palsy, isang movement disorders na nagreresulta mula sa pagkasira ng utak.

Kaya naman sa pamamagitan ng pagbibigay ng nasabing tulong ay malaking ginhawa ito para kay ginang Tenebro.

Sa ngayon si Kenneth ay abot na sa dalawampung kilo at mahirap na para kay ginang Tenebro na buhat-buhatin ang bata.

Ito dahil sa naninigas ang mga kamay at binti nito at hirap siyang umupo ng tuwid ng walang tulong mula sa ibang tao.

Read More

Bonuses ng Kabacan LGU, posibleng matatanggap na kasabay ng Christmas program at Year-end thanksgiving party ngayong araw

(Kabacan, North Cotabato) December 23, 2011 ---    Bagama’t inihayag na ni Kabacan Mayor George Tan ang kanyang inaprubahang pamasko para sa mga kawani ng Kabacan LGU, nakadepende pa rin ito anya sa savings at sa aaprubahan ng Sanngunian ang kanilang matatanggap.

Sa inisyal na impormasyon na nakuha ng DXVL FM sa panayam mismo kay Mayor George Tan kahapon, may matatanggap na P10,000.00 mula kay Pnoy at posibleng madadagdagan pa ito ng P20,000.00. ang magiging bonus ng mga empleyado ng munisipyo.

Kaugnay nito, ngayong araw naman gagawin ang LGU Christmas Program at Year-End thanksgiving Party sa Kabacan Municipal gymnasium na magsisimula alas 9:00 ngayong umaga.

Itatampok dito ang mga larong pambata kungsaan bibidahan ito ng mga chikiting dahil naniniwala ang punong ehekutibo ng bayan na ang pasko ay para sa mga bata.

Ito ay pinamagatang “Pamaskong Handog para sa Kabataan ni Mayor George Tan”. (written by: Rhoderick Beñez)

Read More

Pamahalaang lokal ng bayan ng Kabacan magbibigay ng tig-P100,000.00 sa CDO at Iligan City

(Kabacan/December 22, 2011) --- Magbibigay ang pamahalaang lokal ng Bayan ng Kabacan ng P100,000.00 sa Cagayan de Oro City at P100,000.00 din para sa Iligan city bilang tulong nito sa mga naging biktima ng Bagyong Sendong sa nasabing lugar.

Ang hakbang ay ginawa ni Kabacan Mayor George Tan makaraang ipinatawag nito kahapon ang mga Technical Working group ng Municipal Disaster Risk Reduction Management Council o MDRRMC Kabacan.

Ayon kay Administrative Officer Cecilia Facurib, ang nasabing pondo ay manggagaling sa Calamity Fund na 5% mula sa kabuuang IRA ng LGU.

Kaugnay nito sinabi pa ni Facurib na ang bayan ng Kabacan ay may mga contingency plan ng inilatag upang maiwasan ng mas maaga ang anumang trahedya partikular na nangyari sa Cagayan de Oro city, Iligan at Bukidnon.

Sinabi pa ng opisyal na noon pa man bago pa nanalasa ang Bagyong Sendong sa Hilagang Bahagi ng Mindanao na nag-iwan ng maraming patay ay may niluluto ng Municipal Disaster Risk Reduction and Management Council ang LGU Kabacan.

Kaugnay nito, kamakailan isinagawa sa Felis Resort Complex, Matina, Aplaya, Davao city ang pagbuo ng komite ng MDRRMC Technical Working Group na dinaluhan ng ilang mga matatas na opisyal ng bayan at mga heads ng LGU Kabacan.

Maliban doon ay naglatag na rin sila ng Disaster code kungsaan tinukoy ng mga ito ang mga lugar o brgy na vulnerable sa mga sa anumang mga Man-Made at Natural Calamities.

Ayon kay Facurib, ang bayan ng Kabacan ay minsan pa’y naging vulnerable na rin sa mga flashfloods, Drought at Rat Infestation habang natukoy naman ang 14 na mga brgy nito na apektado ng armed conflict. (Written by: Rhoderick Beñez)

Read More

Mga otoridad, pina-iingat ang publiko na wag magsakay sa mga bogus na mga tricycles/trisicabs

(Kabacan/December 22, 2011) --- Nagbabala ngayon ang pamunuan ng LGU Kabacan sa publiko partikular sa mga public commuters na kung maari ay iwasan ang pagsakay sa mga kolurum o mga bogus na mga tricycle o trisicabs at yung mga hindi nakapagrehistro ng kanilang plate number.

Ito dahil sa marami umano dito sa bayan ng Kabacan ang mga namamasada na hindi lehitimong drivers.

Ayon sa report karamihan sa mga ito ay mga minor de edad at yung mga iba naman ay bagong salta lamang sa lugar at hindi taga-Kabacan at di rin nila alam ang mga pangunahing kalye at lansangan ng bayan.

Kung kaya’t marami sa mga pasahero ang umaangal na mali ang direksiyon sa mga lugar na paghatdan sa mga mananakay.

Kaugnay nito may niluluto ng aksiyon ang pamahalaang lokal ng bayan hinggil sa nasabing problema.  

Ang panawagan ay ginawa ng mga opisyal ng bayan upang maiwasan na rin ang mga krimen kagaya ng hold-up, kidnapping, rape at iba pa. (written by: Rhoderick Beñez)

Read More

Tulong ng mga taga-Kabacan sa CDO, tuloy-tuloy

BAHAGI na ng panganib sa pagiging pulis o sundalo ang masugatan o ang pinakamatindi, ang mamatay, habang ginagawa ang trabaho.

        Ito ang nangyari sa tatlong mga miyembro ng Bukidnon PNP na nasawi matapos rumesponde sa search at rescue operations noong Linggo.

        Kinilala ni Lt. Col. Leopoldo Galon, ang press information officer ng Eastern Mindanao Command ng Armed Forces of the Philippines, ang mga nasawi’ng mga rumespondeng pulis na sina Sr. Insp. Arnold Bustarde, Inspector Charlito Penular, at SPO1 Charlon Edrote.

        Samantala, missing pa rin hanggang sa ngayon si Police Officer 2 Sandy Labadan.

       

        SA IBA PANG BALITA, namahagi rin ng tulong para sa mga biktima ng bagyong Sendong ang 57^th Infantry Battalion ng Army na nakabase sa Makilala.

        Ang mga relief items inihatid nila sa headquarters ng 6^th ID sa Camp Siongco sa Awang, Datu Odin Sinsuat, Maguindanao para maisakay sa military assets.

Kagabi dumating na sa Cotabato city ang mga 6x6 na mga sasakyan na naghatid ng mga relief items pati na rin ang tulong ng world food Program.

        Samantala, nagdatingan din ang mga tulong at mga donasyong mga damit at iba pang gamit ditto sa DXVL FM karamihan sa mga tulong ay mula sa USM Faculty at ilan pang mga sector buhat ditto sa bayan ng Kabacan at ibang lugar.

Ngayong araw nakatakdang namang tumulak ang ilang staff ng USM Hospital para maghatid rin ng tulong donasyon sa mga nagging biktima ng Bagyong Sendong sa Cagayan de Oro at Iligan.

        Kaugnay nito maging ang JRS Express Kabacan Branch ay bukas din sa anumang tulong o donasyon sa mga nagging biktima ng kalamidad sa Cagayan kungsaan free of Charge ang kanilang service sa paghahatid ng nasabing mga tulong doon.

Read More

Motorsiklo ninakaw pati alagang hayop nilason sa Kabacan, Cotabato

(Kabacan/December 22, 2011) --- Muli na namang umatake ang mga kawatan sa bayan ng Kabacan kungsaan natangay ng mga ito ang isang kulay pula at puting XRM 125 sa Mercado St., Poblacion, Kabacan, Cotabato.

Batay sa report ng Kabacan PNP, naganap umano ang insedente sa pagitan ng alas 2 hanggang alas 3 ng madaling araw kahapon kungsaan sinira umano ng mga salarin ang bakod sa likurang bahagi ng boarding house na pag-aari ng isang Pagaduan.

Ang may ari ng nasabing motorsiklo ay nakilalang si Nestor Salama na wala naman sa kanyang boarding house ng maganap ang insedente kanina.

Dagdag pa ng mga pulisya na nilason pa umano ng mga kawatan ang alagang hayop nila na aso at maging ang mga pusa at manok para maisakatuparan ang masamang balakin.

Nang mapatay na ang mga hayop, sinira nila ang bakod sa likurang bahagi ng nasabing boarding house para gawing entrance point.

Sinira din nila ang padlock na naka-lock sa motorsiklo.

Ang nasabing motorsiklo ay may plate number 2528 kungsaan subject for manhunt na ng mga otorridad.

Una dito, ilan rin sa mga alagang hayop sa Villanueva Subdivision ang nilason din ng mga salarin partikular ang mga alagang aso sa Cayud-ong residence at Garcia.

Nilimas din ng mga salarin maging ang baterya ng sasakyan ng isang residente sa 3^rd Block, Villanueva.

Kaugnay nito muli namang nagpaalala ang mga otoridad na maging vigilante sa paligid dahil aminado naman ang Kabacan PNP na basta’t papalapit ang pasko ay tataas ang crime against property.

Read More

Motorsiklo tinangay sa Makilala

TINANGAY ng mga ‘di kilalang magnanakaw ang motorsiklo na pag-aari ni Melchor Poquito ng Sitio Patulangon, Barangay Malasila sa bayan ng Makilala, alas-dos ng madaling araw, kahapon.

Ayon sa report, ipinarada lang ni Poquito sa loob ng bahay niya ang Honda XRM kulay pula na may plakang 5927 MB nang tangayin ng mga magnanakaw.

Posible na sa kisame dumaan ang mga suspect at pagkatapos ay lumabas sa pintuan sa may likurang bahagi ng bahay, ayon sa report.

Natangay rin ang mahahalagang dokumento ng motorsiklo at cash ng biktima na itinago niya sa U-box ng sasakyan.

Ito na ang pangatlong kaso ng motorcycle theft sa bayan ng Makilala nitong huling quarter ng taon.   

Read More

Appointment ni Mujiv Hataman bilang OIC ARMM Governor kinuwestyun ng MNLF

ISA umanong malinaw na paglabag sa kasunduan na pinirmahan noong 1996 ng gubyerno at ng Moro National Liberation Front o MNLF ang pag-appoint sa isang opisyal ng ARMM na ‘di nila organic member.

       Ito ang binigyang-diin ni Datu Sukarno Pingguiaman, ang hepe ng National Security Command Striking Force ng MNLF.

       Ayon kay Pingguiaman, si Hataman ay hindi miyembro ng MNLF at ang appointment sa kanya ay paglabag sa 1996 GRP-MNLF final peace pact.

       Paglabag din daw ito sa kasunduan na pinirmahan ng AdHoc High-Level Group na kinabibilangan ng GPH, Organization of Islamic Countries, at ng MNLF sa kanilang tripartite meeting sa bansang Indonesia.

      

       BAGAMA’T kinuwestyun ng MNLF ang appointment ni Hataman, ‘di naman daw ito mangangahulugan na magde-deklara sila ng giyera sa gubyerno.

       Sa ngayon, ayon kay Pingguiaman, ay tungo sa pagkakamit ng kapayapaan ang direksyong tinatahan ng kanilang chairman na si Professor Nur Misuari.

       Ang panawagan ng MNLF sa gubyerno, lalo na sa Office of the Presidential Adviser on the Peace Process o OPAPP, na maging sinsero sila sa implementasyon ng 1996 GPR-MNLF final peace accord. 

Read More

Rice productivity program ng gobyerno, palalakasin sa North Cotabato

(Midsayap, North Cotabato/December 22, 2011) --- Isa ang lalawigan ng North Cotabato sa gagawing model- province sa pagsusulong ng Rice Productivity Program. Sa buong bansa, apat lamang na probinsiya ang napabilang sa nasabing programa. 

Ito rin ang magandang balita na ipinaalam ni North Cotabato First District Representative Jesus “Susing” Sacdalan sa mga magsasaka, ito ayon sa report ni PPALMA News Stringer Roderick Bautista.

Sa kanyang mensahe sa mga kasapi ng irrigators association sa unang distrito ng lalawigan, binigyang- diin ni Cong. Sacdalan na malaki ang tiwala ng gobyerno sa mga magsasaka ng North Cotabato.

Inaasahan na sa pamamagitan ng programang ito ay matutunan ng mga magsasaka ang maging entrepreneur o negosyante. Sinisikap din umano ng kasalukuyang gobyerno na ma- i- angat ang estado ng mga magsasaka at makawala sa sistema ng 5-6.

Hinikayat din ng opisyal ang mga IA members  na panatilihin ang mataas na  tiwalang ipinapakita ng gobyerno upang mas madagdagan pa ang mga programang ibinubuhos sa North Cotabato tungo sa layuning makamit ang food self- sufficiency sa bansa.

Read More

MILF at Militar kapwa iginagalang ang pagpapatupad ng SOMO ng administrasyong Aquino ngayong kapaskuhan

(Kabacan/ December 21, 2011) --- Kapwa naghayag ng paggalang ang pamunuan ng Moro Islamic Liberation Front at ang militar sa pagpapatupad ng Suspension of Offensive Military Operations (SOMO) o ceasefire ng Pangulong Benigno Aquino III ngayong panahon ng kapaskuhan.

Sa panayam ng DXVL Radyo ng Bayan kay MILF spokesperson Von Alhaq sinabi nitong simula’t mula ay iginagalang din ng kanilang pamunuan ang nasabing ceasefire, hindi lamang ngayong panahon ng kapaskuhan kundi noon pang ipinatutupad itong tigil putakan sa pagitan ng GPH at ng MILF.

Giit naman ng opisyal na mahigpit silang tumatalima sa nasabing usapin habang patuloy na umuusad itong usapang pangkapayapaan.

Kaugnay nito, sinabi naman sa DXVL-Radyo ng Bayan ni 6^th Division Public Affairs Chief Col. Prudencio Ramos Asto na nakabase sa Awang, Datu Odin Sinsuat, Maguindanao na sumusunod naman sila sa ipinapatupad ng Commander in chief na Suspension of Offensive Military Operations (SOMO).

Kung matatandaan inaprubahan ksi ni Pangulong Pnoy ang labin walong araw mula December 16 na Ceasefire sa NPA hanggan sa Enero a-dos.

Read More

Nagliliwanag na bahay sa sentro ng Makilala panibagong atraksyon ngayong kapaskuhan

MARAMI sa mga commuters ang napapa-WOW dahil sa kumukuti-kutitap na Christmas lights sa mismong bahay na pag-aari ni Exequiel Vega sa may national highway na nasa sentro ng Poblacion sa bayan ng Makilala.

Ang karamihan sa mga commuters, titigil talaga sa tapat ng bahay ni Vega para lang magpakuha ng litrato. Marami din sa mga residente mula sa ibang bayan ay dumadayo pa sa sentro ng Poblacion para lang saksihan ang napakamakulay na bahay ng mga Vega.

Sa ngayon, atraksyon sa bahay nila ang mga taong naka-damit na Santa Claus na nagliliwanag din at sumasayaw sa saliw ng Christmas carol.

SAMANTALA, sa tabi ng bahay ng mga Vega, agaw-atraksyon din ang nagliliwanag na municipal hall at plaza ng Makilala. Ayon kay Makilala mayor Rudy Caoagdan, nais nila na makuha ang atensyon ng mga commuters at mga residente, lalo na ngayong Kapaskuhan.

Kada Biyernes ng gabi, may libreng entertainment sa plaza ng Makilala kung saan tampok ang performance ng Makilala LGU Band. Agaw-atensiyon din ang nagliliwanag na Petron Gasoline stations sa highway ng Kidapawan City na taunan din nilang ginagawa.

Marami din ang nagpapa-picture na mga commuters sa harap ng Petron, lalo na ang itinayong belen.

ATRAKSYON din sa national highway sa Amas Complex ang nagliliwanag na tila-Disneyland na plaza ng North Cotabato provincial government. Kumukuti-kutitap din ang mga itinayo na mga castle, at mga ilaw sa mga bulaklak, pine trees, at iba pa’ng puno na animo’y Disneyland sa gitna ng highway sa North Cotabato.

Samantala, dito naman sa bayan ng Kabacan dinadayo din ng ilan ang Plaza ng Kabacan tuwing gabi dahil sa kumukutikutitap din na mga Christmas lights mula sa Kabacan Municipal Hall, mga punong umiilaw at makikita din ang mga patay sindi na mga Christmas lights sa mga pader at palibot ng Plaza.

Tuwing gabi naman, agaw atensiyon din ang kakaibang mga Christmas tree ng Kabacan Water district na napapalibutan ng mga Christmas lights.

Hindi rin magpapahuli ang USM sa mga maliwanag na Christmas lights na tuwing gabi, sa welcome pa lamang ay makikita na ang mga patay sindi na Christmas lights at maging ang Administration Building ay lumiliwanag din sa kakaibang mga ilaw nito. 

Read More

Mga nagbabalak na magbenta ng firecrackers at pyrotechique sa Kabacan, sumailalim sa seminars

Base kasi sa ipinalabas na kalatas ng pamunuan ng Bureau of Fire Protection Region 12 dapat munang kumuha ng Fire Safety Certificate ang mga negosyanteng nagbabalak na magbenta ng mga paputok ngayong holiday season.

Kaya naman ditto sa  bayan ng Kabacan, sumailalim kanina ang may tatlumpu na mga may planung magbenta ng firecrackers sa isang seminars upang turuan sila ng tamang paghawak at ang mga dapat nilang gagawin.

Kaugnay nito, nagpaalala naman si Guiamalon sa publiko na iwasan ang pagpapaputok ng mga malalakas na paputok ngayong pagdiriwang ng pasko at pagsalubong ng bagong taon.

Sa opisyal na countdown ng DXVL FM, limang araw nalang at magpapasko na habang 11 araw na lamang at 2012 na o bagong taon na naman.

Read More

Iba’t-ibang mga organisasyon mula sa Kabacan patuloy na nananawagan ng tulong para sa mga biktima ng Bagyong Sendong sa CDO

Nagpadala na ng tulong ang Kabacan Water District para sa mga biktima ng bagyong Sendong sa Cagayan de Oro city kaninang tanghali.

Ayon sa pamunuan ng Kabacan Water District kabilang sa mga tulong na kanilang nalikom buhat naman sa mga sponsors at mga may magandang loob na nagbigay ng donasyon kagaya ng used clothing, groceries, sardinas, noodles, milo, biscuits, mga sabon, bigas at marami pang iba.

Nagging sponsors naman ditto ang Mindanao Association of Water Districts, Southern and Central Mindanao Water Information council, Concerned Citizen of Kabacan, Oro Resto, Eden Fresh, Dimagiba Store, Nimpha Sumaguit, Lizzette Agbayani at Bantilan at marami pang iba.

Samantala maging ang pamunuan ng USM Hospital ay umaapela din sa residente ng Kabacan at mga kalapit lugar na may magandang loob na bukas ang ospital ng pamantasan na nais magbahagi ng tulong kagaya ng gamit tulad ng damit at mga gamit sa kusina, musketero, kumot at maging pagkain at tubig.

Ang nasabing mga tulong ay nakatakdang dalhin sa Cagayan de Oro City sa araw ng Huwebes, disyembre a-22, 2011.

Para sa inyung mga tulong o donasyon dalhin lamang ito sa USM Hospital at hanapin lamang po sina Dr. Priscilo Engkong, Dra Shiela Pelaez at Dr. Jess Paigalan.

Maari din po ninyung ihatid ang inyung tulong dito sa DXVL-Radyo ng Bayan.

Kaugnay nito maging ang Nursing students Association (NSA) mula sa University of Southern Mindanao sa pangunguna ni Carlson Balneg at ng Local Student Government sa pangunguna naman ni Jennifer Pobre ay tumatanggap din ng anumang tulong o donasyon para sa mga naging biktima ng Bagyong Sendong sa Cagayan De Oro City.

Maari nyo pong ibigay ang inyung mga donasyon ditto sa himpilan ng DXVL FM 94.9 kami po ay nasa USM Compound, Kabacan, Cotabato.

Para sa karagdagang impormasyon tumawag lamang pos a telepono bilang (064)- 248-2867.

Samantala, Kasama ang World food Program, isang International Non-government Organization sa pakikipagtulungan ng 6^th Infantry Division ng Philippine Army at ng PNP ay nagbigay din ng tulong na abot sa 10 metric ton na mga bigas sa mga biktima ng bagyong sending sa Cagayan de Oro City.

Ito ang sinabi ngayong hapon ni Chief, 6^th Division Public Affairs ng 6^th ID na si Col. Prudencio Ramos Asto, kungsaan gamit ang mga military assets mula sa Cotabato city ay dinala na ang nasabing mga tulong.

(Col Asto.) si Col. Prudencio Ramos Asto ang chief ng 6^th Division Public affairs Office ng 6^th Infantry (KAmpilan) Division ng Philippine Army mula sa Camp Siongco, AWang, Datu Odin Sinsuat, Maguindanao (Rhoderick Beñez)

Read More

10 pulis idinagdag na Augmentation team ng Kabacan PNP ngayong pagsapit ng pasko at pagsalubong ng bagong taon

(Kabacan/December 20, 2011) --Tiniyak ngayon ni P/Supt Joseph Semillano, hepe ng Kabacan PNP ang seguridad ngayong papalapit ang pagdiriwang ng Pasko at pagsalubong ng bagong taon.

Ito ang inihayag ng opisyal kasabay na rin ng kanilang Christmas Party na ginanap mismo sa Kabacan Municipal Police Station kahapon.

Bisita rin sa naturang salu-salu ng mga pulisya si vice Mayor Pol Dulay kasama ang mga matatas na opisyal ng Kabacan PNP.

Kaugnay nito may idinagdag na 10 pulis mula sa Regional training center mula sa General Santos bilang augmentation team ng Kabacan PNP sa pagtiyak sa seguridad ngayong pagdiriwang ng pasko at pagsalubong ng bagong taon.

Naging masaya naman sa kabuuan ang Christmas party ng mga pulis kungsaan simultaneous itong isinagawa sa buong bansa na pinangungunahan ni PNP Police chief Nicanor Bartolome mula sa Camp Crame.

Samantala, sinabi naman ng opisyal na sa pagsimula ng misa de gallo sa Kabacan ay may naka bantay ng pulis sa Christ the King Parish na nasa Bonifacio St., alas 3:30 pa lamang ng madaling araw ito ay para tiyakin ang seguridad ng mga mananambahan tuwing simbang gabi.

Read More

1 kritikal 2 iba pa sugatan sa vehicular accident sa Kabacan

(Kabacan/December 20, 2011) --Kritikal ang isang tricycle driver makaraang aksidenteng mabangga ng isang motorsiklo sa National Highway partikular sa roundball na nasa Crossing Bonifacio St., alas 3:20 kahapon ng madaling araw.

Ayon kay P01 Amor Guillermo ng Kabacan Traffic Police napag-alamang habang binabaybay ng isang Kawasaki tricycle na minamaneho ni Santiago Tomas, nasa tamang edad at residente ng Katidtuan ng nabanggit na lugar ang National Highway buhat sa Bonifacio St. ng aksidenteng mabangga ito ng Motopost 125 na minamaneho ni Diana Rose Gringio.

Si Gringio, ay may backrider na nakilalang si Omar Mimbala, 26-anyos at residente ng Ulangkaya Compound, Kabacan.

Ang dalawa ay kapwa sugatan rin sa nasabing vehicular accident pero mas kritikal naman ang driver ng motorsiklo na mabilis namang isinugod sa Kabacan Polymedic Hospital subalit di kalaunan ay dinala na ito kahapon sa Davao city para sa kanyang masusing operasyon.

Samantala sa iba pang mga balita, huli ng mga elemento ng Kabacan PNP ang isang personal Body guard ni Pagalungan Mayor Datu Norodin Matalam dahil sa pagdadala ng di lisensyadong armas sa isang inuman dito sa bayan.

Kinilala ng Kabacan PNP ang suspetsado na si Akmad Dagiman, 36-anyos, may asawa at residente ng nabanggit na lugar.

Nakuha mula kay Dagiman ang M16 na N2-3 na baril.

Sa ngayon nasa kustodiya ng Kabacan PNP ang nasabing suspetsado. (Rhoderick Beñez)

Read More

Suspek na pumatay sa bangkay na nakitang palutang-lutang sa Pulangi river sa Pedtad, boluntaryong sumuko sa isang mataas na lider ng MNLF

(Kabacan/December 20, 2011) --- Kasong Murder ang posibleng kakaharapin ng suspek na boluntaryong sumuko sa lider ng Moro National Liberartion Front o MNLF kumander na si Datu Dima Ambel ng brgy. Kilada, Matalam, Cotabato.

Sa report ng Kabacan PNP, kinilala ni Deputy chief of Police Police Senior Inspector Jubernadi Panes ang suspek na si Abubakar Kumawit, 43-anyos, may asawa at residente ng brgy. Pedtad, Kabacan na boluntaryong sumuko ay Datu Ambel alas 5:30 ng hapon noong Sabado.

Kung matatandaan si Kumawit ang itinuturong pangunahing suspek sa pamamaslang patay kay Kaharudin Alamada na nakitang palutang-lutang ang bangkay nito noong umaga ng December 10 ng isang magsasaka sa Pulangi river sa Brgy. Pedtad.

Di raw nakayanan ng konsensiya nito ang kanyang nagawa dahilan kung bakit ito sumuko sa batas.

Sa ngayon iniimbestigahan na ang kaso nitong habang nasa kustodiya ito ng Kabacan PNP.

Si Kumawit ay itinurn-over ni Datu Ambel sa Matalam PNP kungsaan initurn-over naman siya dito ng Matalam PNP sa Kabacan Municipal Police Station.

Read More