Dinukot na kamag-anak ni Mayor Loreto Cabaya; nakalaya na

Written by: Written by: Rhoderick Beñez

(Aleosan, North Cotabato/January 20, 2012) ---Nakalaya na kahapon alas dose a-biente ng madaling araw mula sa kamay ng kanyang mga abductors ang kidnap victim na dinukot sa bayan ng Aleosan, North Cotabato, noong buwan ng Nobyembre ng nakaraang taon.

Ang kidnap victim ay kinilalang si Romy Cabaya, isang estudyante at residente ng Aleosan North Cotabato.

Sa pamamagitan ng effort ng kanyang pamilya, pinalaya si Cabaya.

Ayon naman kay Crisis Management Committee Spokesperson Tata Hillado, na eksaktong dalawang buwan na kahapon nang dukutin si Cabaya noong a-19 ng Nobyembre ng nakaraang taon.

Nasa piling na ng kaniyang mahal na pamilya at kasalukuyang sumasailalim sa debriefing, ang nasabing kidnap victim

Read More

Water hyacinth handicraft; pinagkakaabalahan ngayon ng mga residenteng ng isang brgy ng Kabacan

Written by: Karol Jane Geolingo

(Kabacan, North Cotabato/January 20, 2012) ---Inumpisahan na ang pagdedevelop at paggawa ng water hyacinth handicraft sa Brgy. Cuyapon, Kabacan, Cotabato

Ang programang ito ay pinangungunahan ng waiver’s association ng naturang barangay. Kung saan sila ay gumagawa ng iba’t-ibang handicraft tulad ng bag, basket, tsinelas at mga sumbrero na gawa sa water lily. Kung saan, kilala din ang naturang halaman bilang environmental friendly plant.

Ang naturang programa ay ginagawa sa Brgy. Cuyapon dahil ditto lamang makakakita ng maraming water lily ditto sa bayan. Ayon pa sa mga resedente doon, isa sa mga dahilan ng pagbaha sa kanila ay ang pagtumpok-tumpok ng mga water lily na dahilan ng hindi pag-agos ng mabuti ng tubig.

Ang gumagawa ng mga nasabing produkto ay ang mga kababaihan, kabataan, at pati ang mga tatay ng naturang barangay. Kung saan sila ay binigyan ng pagsasanay ukol sa paggawa ng mga handicraft ditto sa USM na isinigawa ng Villar Foundation.

Ang layunin ng programang ito ay upang matulungan at mabigyan ng trabaho o pinagkakaabalahan ang mga resedente lalung-lalo sa kanilang pamumuhay.

Ayon naman sa presidente ng waiver’s association sa Cuyapon na si Andres Gargabite, imbes itapon o patayin ang water lily, mas mapapakinabangan nila ito, dagdag pa niya, dahil sa water lily, magkakapera ka na, makakatulong ka pa sa kalikasan.

Read More

Mga negosyante, umapela na palawigin pa ang application para sa registration at renewing ng business permit sa Kabacan

Written by: Rhoderick Beñez

(Kabacan, North Cotabato/January 20, 2012) ----Agad na tinalakay sa Sangguniang bayan kahapon ang extension para sa aplikasyon ng renewal ng business permit at license na hanggang February 24 na lamang.

Ito ay para mabigyan pa ng sapat na panahon ang mga negosyante ditto sa bayan ng Kabacan para sa nasabing obligasyon.

Nabatid mula kay Kabacan Vice Mayor Pol Dulay na, itinakda kasi ng LGU Kabacan ang huling registration na hanggang January 23 subalit matumal pa ang mga nagparehistro at nag pa renew, ayon sa report.

Samantala, kabilang sa napag-usapan sa naganap na sisyon kaninang umaga ng Sangguniang Bayan ay ang mga illegal na terminal dito sa bayan ng Kabacan.

Ito ay ayon sa report ni ABC President Herlo Guzman na may mga terminal umano na wala sa lugar lalo na sa mga pampasaherong van, multicab.

Sinabi pa ni Guzman, na may mga dispatser umano na tumatambay sa National Highway at kapag makahanap na ito ng mga pasahero ay daliang cocontact ng mga striker na sasakyan nang sa ganun ay makakakuha ng pasahero ng di na naghihintay sa terminal.

Tinukoy pa ng opisyal ang nasabing lugar ay ang nasa National Highway partikular umano sa harap ng almas at ng mercury drug store.

Ang nasabing isyu ay muling tatalakayin sa susunod na session ng Sanggunian.(with report from Jara Dominique Llemit)

Read More

GSIS Pensioners muling pina-alalahanan hinggil sa pagtanggal ng ARAS

Written by: Aida Agad dela Cruz

Koronadal City, Jan202012 (PIA) – Muling pina-alalahanan ng Government Service Insurance System (GSIS) General Santos City Branch ang lahat ng mga pensioners ng rehiyon na maaari ng hindi na sila pumunta at pumila sa GSIS Wireless Automated Processing System (GWAPS ) kiosks para lamang sa Annual Renewal of Active Status (ARAS).

Ito ayon sa tanggapan ni GSIS General Santos City Branch manager Ma Celia Vega ay kasunod ng paalala ni GSIS president and General Manager Robert G. Vergara sa lahat ng mga pensiyonado kasabay ng pagpanumpa nito sa katungkulan ng mga opisyales ng Philippine Government Retirees Association (PGRA) noong nakalipas na linggo.

Ipinaliwanag ng staff ni GenSan branch manager Vega na patuloy ang kanilang pagpapatupad ng pag-aalis ng ARAS na sinimulan noon pang May 1, 2011.

Dagdag pa nito ang GSIS umano ay lalo pang pinalakas ang pakikipag-ugnayan sa National Statistics Office (NSO) at Local Civil Registry (LCR) upang ma-beripika ang totoong estado ng bawat pensioners.

Ipinapa-alam din ng GSIS na mahigit 500 dagdag na kiosk ang ikinalat noong nakalipas na taon sa buong bansa upang mapagsilbihan ang lahat ng mga pangangailangan ng mga pensioners lalo na ang pag-check nang kanilang mga records at pag-file ng loans.

Ito umano ay bahagi ng commitment ng bagong pamunuan ng GSIS na makapagbigay ng maayos at magandang serbisyo sa mahigit 1.7 miyembro at pensioners nito sa buong bansa.

Read More

Libu-libong boardft. na mga illegal na kahoy; nakumpiska ng Kabacan PNP

Written by: Rhoderick Beñez

(Kabacan, North Cotabato/January 20, 2012) ---Abot sa limang libung board feet na mga illegal na troso ang nakumpiska ng mga elemento ng Kabacan PNP sa highway inspection nila na nasa Osias detachment alas 9:00 kamakalawa ng gabi.

Ang mga pinaniniwalaang illegal na kahoy ay lulan ng isang Izuzu forward Truck na may plate number MVY-953 na minamaneho ni Ramil Cabiles Enpuesto, 31, may asawa at residente ng Labangal, General Santos city.

Ang nasabing mga kahoy ay mga Mangga at Acacia lumber na pag-mamay-ari ng isang Ulangan Masukat, 59-anyos, may asawa at residente ng Nabundas, Pikit.

Kasama din sa mga hinuli ay ang mga laborer na sina: Maguid Juahab, 44, residente ng Pikit at Jerry Yubak, 17 at residente ng General Santos city.

Nang siyasatin ng mga otoridad, hindi tumugma ang papeles na kanilang nakuha mula sa DENR-Midsayap, dahil ang inaprubahan lamang ng DENR-CENRO ay ang mga produkto ng Centenial Mango Lumber at hindi kasali ang mga Acacia.

Dahil dito, agad na dinala ang apat sa himpilan ng pulisya para sa tamang disposasiyon.

Ang mga nakumpiskang mga kahoy ay agad na tinurn-over sa CENRO-DENR Midsayap sa pamamagitan ni Forester Amor Baniaga para sa imbestigasyon.

Read More

Pamamahag ng Calamity Seeds Assistance ng Department of Agriculture, Isinagawa sa CEMIARC sa Amas, Kidapawan City

Written by: Ruel Villanueva

Isinagawa kamakailan ang pamamahagi ng calamity seeds assistance o ang pamimigay ng mga binhi ng palay sa mga magsasaka na sinalanta ng mga nakaraang pagbaha sa lalawigan. Ito ay ipinatupad ng Department of Agriculture Regional Field Office 12 sa tanggapan ng CEMIARC sa Amas, Kidapawan City.

Naganap ang pamamahagi ng binhi ng palay sa pangunguna ni Director Amalia J. Datukan ng DA RFO 12 sa pakikipagtulungan ng Office of the Provincial Agriculturist sa lalawigan na pinamumunuan ni OIC Provincial Agriculturist Eliseo M. Mangliwan. Sinaksihan din ito ng Agricultural Program Coordinating Officer Esmael Intao ng DA RFO 12, Dr. Teodora S. 

Casipe, mga kinatawan ng DA at mga magsasaka bilang representante ng bawat recipient municipalities sa ceremonial turn-over.

May kabuuang 594 bags ng certified rice seeds ang ipinamahagi sa mga apektadong bayan ng lalawigan na kinabibilangan ng mga sumusunod: Carmen – 300 bags; Kabacan – 257 bags, Pikit – 25 bags at Mlang -12 bags.

Ang mga low-lying areas na ito ang labis na naapektuhan ng pagbaha na nasa tabi ng Pulangi river. Kaugnay nito, namigay din ng zinc phosphide ang DA RFO 12 bilang pangontrol ng daga, 5kgs para sa Kabacan at 4kgs para sa Mlang.

Layunin nitong maiwasan ang pinsalang maaaring idulot ng daga sa mga Palayan sa nabanggit na bayan.

Ang calamity seeds assistance ay bahagi ng patuloy na kampanya ng Department of Agriculture para sa food sufficiency.

Read More

Suatainable agriculture at iba pang long term plan; inilatag sa katatapos na pagpupulong ng Cotabato Agriculture and Resources Research and Development Consortium o CARRDEC

Written by: Ivy Jimenez

Naglatag ng long term plan at sulosyon sa mga problemang kinakailangang matugunan sa lalong madaling panahon ang mga collaborators ng Cotabato Agriculture and Resources Research and Development Consortium o CARRDEC sa ginawang pagpupulong kamakalawa January 17, 2012 sa USM Extension office, ito ay kaugnay ng mga plano at mga programang makapagpapalakas sa larangan ng agricultural research sa bahaging ito ng Mindanao.

Isa sa mga tinalakay ang pagpapaunlad ng mga Agricultural crops tulad ng mais, rubber, oil palm, mangga, saging at Goat Production Improvement at iba pa.

Inisa-isa din sa ginanap na pagpupulong ang mga kakulangan at mga problemang kanilang kinakaharap at kung papaano nila ito masusulusyonan katulad ng kakulangan sa post harvest facilities.

Ang pagpupulong na ito ay nilahukan ng mga senior researchers mula sa MSU Marawi, MSU GenSan, MSU Maguindanao, SKSU sa Sultan Kudarat, Central Mindanao Integrated Agricultural Research Center o CEMIARC, Cotabato Agriculture and Resources Research and Development Consortium at ng mga Full time researchers ng USM bilang bahagi ng kanilang layunin na mas mapaunlad at gawing sustainable ang mga agricultural projects dito sa Mindanao.

Read More

Mga progresibong Kabataan nanguna sa National Youth Week celebrations sa North Cotabato

KABACAN, North Cotabato/January 19, 2012) ---  KAHIT MALAKAS ang buhos ng ulan, tuloy ang march rally ng mga progresibo at militanteng Kabataan para pangunahanan ang unang araw ng selebrasyon ng National Youth Week sa bayan ng Kabacan, North Cotabato.

courtesy from: CEGP

Nanguna sa mass action ang Anakbayan, League of Filipino Students, Liga ng Kabataang Moro, Gabriela Youth, Student Christian Movement of the Philippines, College Editors Guild of the Philippines, at ang Kabataan partylist.

Tema ng pagdiriwang ng National Youth Week ngayong taon ang, “Youth Unite; Heed the call of our time, Struggle for genuine democracy and freedom”.

         

angunahing isyu sa tinalakay sa rally ang tumataas na bayarin sa eskwela, ang malawakang kahirapan sa bansa, ang sigaw na dagdag na sahod ng mga manggawa, extra-judicial killing, at iba pang mga isyu na may kinalaman sa karapatan ng kabataan at kababaihan.

Bahagi ng mass action ng mga progresibong Kabataan ang pag-planking nila sa highway ng USM Avenue sa Kabacan.

Bago ito, nag-room-to-room campaign ang mga estudyante, sa pangunguna ni Darwin Rey Morante ng Anakbayan, para hikayatin ang iba na makilahok sa kanilang kilos-protesta.  

Read More

Pagpapalawig sa Registration ng 4P’s sa Kabacan; iginigiit ng pamunuan ng DSWD-12

Written by: Rhoderick Beñez

(Kabacan, North Cotabato/January 19, 2012) ---Upang mabigyan ang lahat ng isa pang tiyansang ma-validate ang kanilang mga dokumento upang mapabilang sa nagpapatuloy na enrollment ng Pantawid Pamilyang Pilipino program sa bayan ng Kabacan, mas pinalawig ngayon ng DSWD R-12 ang kanilang registration kaugnay ditto.

Ito ang inihayag ni Kabacan Municipal Interior and Local government Operation officer Jasmin Musaid matapos binigyan ng palugit ng dswd Region 12 ang registration at validation para sa pantawid pamilyang Pilipino program o 4p’s hanggang ngayong January 23 2012.

Ang 4p’s ay tinatawag ding conditional cash transfer na naglalyong makatulong sa pamamagitan ng conditional cash grants sa mga mahihirap na pamilyang Pilipino.

Kung matatandaan, abot sa limang libong pamilya sa bayan ng Kabacan, North Cotabato ang nakatakdang tumanggap ng tulong pinansyal mula sa pamahalaan sa ilalim ng Pantawid Pamilyang Pilipino Program (4Ps).

Ito matapos isinama ang bayan ng Kabacan sa ikalimang grupo ng mga bayang isinasailalim sa 4Ps ng Department of Social Welfare and Development (DSWD).

Kasama sa mga barangay na makikinabang sa programang conditional cash transfer ng pamahalaan ang Simone, Simbuhay, Nanga-an, Pisan, at Tamped na nakakaranas din ng kaguluhan nitong mga nagdaang ilang taon.

Ibinatay ang listahan sa resulta ng 2009 survey ng National Housing Targeting Center.

Paliwanag ni social welfare and development officer Susan Macalipat, iba-validate ang naturang listahan sa nagpapatuloy na registration sa mga lugar. Kabilang din sa kasali ng Set 5 ng 4Ps sa North Cotabato ang mga mahihirap na barangay sa bayan ng Libungan, Midsayap, at Makilala, at maging sa lungsod ng Kidapawan.

Sa kasalukuyan, ang 4Ps ay ipinatutupad sa 12 bayan sa North Cotabato na kinabibilangan ng Alamada, Aleosan, Antipas, Arakan, Banisilan, Carmen, Magpet, Matalam, Pigcawayan, Pikit, President Roxas, at Tulunan. (with report from Jane Geolingo)

Read More