Midsayap 4H’ers, handa na para sa gaganaping Provincial 4H Achievement Day

Sa isinagawang Municipal Achievement Day ng 4H Club Federation of Midsayap kahapon, handa na ang mga miyembro ng natukoy na organisasyon para sa gaganaping provincial 4H achievement day sa darating na April 7 ng taong kasalukuyan sa bayan ng Carmen, Cotabato.

Ayon kay Midsayap 4H Coordinator Jocelyn Raboy- Falloran, sinikap ng organisasyon na mapili ang pinakamagagaling na 4H members na nagtagisan ng galing sa ibat’ ibang project contests.

Walong barangay 4H Clubs ang nagpagalingan sa larangan ng Organic Fertilizer Preparation for High Value Crops Development, Rice Based Handicraft, Corn Kakanin Cooking, quiz bee, poster making, extemporaneous speaking, singing idol at Mister and Miss 4H Midsayap 2011.

Masaya naman ang pamunuan ni Midsayap Acting Municipal Agriculturist Cesario Carcosia sa partisipasyon ng mga 4H Clubs na nagmula sa mga barangay ng Bagumba, Patindegeun, Poblacion Dos , Poblacion Kwatro, San Isidro, Lagumbingan, Bual Norte at Southern Christian College.

Humanga naman si 4H Advisory Council President Eusebio Casipe sa mga 4H members na nakisali at nakiisa sa isinagawang 4H achievement day.

Opisyal na ring nanumpa kahapon ang bagong set of officers ng 4H Club Federation of Midsayap na pinangunahan ni Sangguniang Bayan Chairman of the Committee on Agriculture Councilor Jesus Acosta. (with report from Balong Bautista, PPALMA Stringer)

Read More

Mga otoridad walang pang-lead sa pagpatay sa isang kawani ng Shariah court sa Kabacan

Patuloy pang inaalam ng mga otoridad ang motibo at anggulo ng pagpatay sa isang kawani ng Shariah Court dito sa bayan ng Kabacan.

Kaugnay nito nagpapatuloy ngayon ang manhunt operation ng mga pinagsanib na pwersa ng Kabacan PNP at ng Philippine Army makaraang pagbabarilin si Norma Delicana, 55-taonggulang, may asawa at residente ng Arcedo St., Poblacion, Kabacan, Cotabato.

Sa inisyal na pagsisiyasat ng mga otoridad, napag-alaman na habang papauwi ang biktima dakong alas 7:00 ng gabi noong Lunes galing sa kanyang trabaho sa Shariah court sa munispyo ng Kabacan.

Sakay sa trysikad ng pagdating nito ng Arcedo St, particular sa harap ng bahay ni Sainudla Sangkilan, isang di nakilalang driver kasama ang isa pang backrider parehong may suot na helmet sakay sa isang motorsiklo na walang plate number.

Ang diumano’y bumaril sa biktima. Nagtamo ang biktima ng iba’t-ibang tama ng bala sa kanyang katawan kungsaan mabilis namang itong isinugod sa pinakamalapit na ospital.

Subalit agad naman itong binawian ng buhay.

Narekober sa pinangyarihan ng insedente ang mga basyo ng Cal. 45 na baril. Agad namang tumakas ang mga salarin matapos ang insedente.

Read More

BS Pharmacy at BS Criminology bagong kurso na i-ooffer ng USM sa darating na pasukan

Ipinahayag ni USM Pres. Jesus Antonio Derije na may bagong kursong bubuksan ang University of southern Mindanao sa darating na pasukan ng buwan ng Hunyo.

Ayon sa pangulo ito ay ang BS Pharmacy at BS Criminology na i-ooffer ng USM Main Campus-Kabacan habang may bago ring kurso ngayon ang College of Industry and Trade sa USM-Kidapawan City Campus ang Bachelor of Science in Electrical Engineering.

Una rito, sinabi rin ng Pangulo na muli nitong pina-abrubahan sa BOR ang kursong Bachelor of Science in Industrial Education dahil kinakailangan na ito ngayon sa Department of Education o DepEd.

Isa lamang ito sa napakaraming top Priority Targets ng Pangulo ng USM para sa taong 2011.

Sinabi pa ni Dr. Derije na target ng kanyang pamunuan na mas madagdagan pa ang enrollment ng USM at damihan pa ang scholarship at financial incentives para sa mga mag-aaral.

Nais din nito na baguhin at mas ayusin ang enrollment process sa pamantasan na isa sa mga pinoproblema ng mga estudyante ng USM tuwing enrollment.

Dagdag pa nito na ngayong 2011 target nito na matapos ang ICTC building, Women’s Dorm, OSA Building na ngayon ay nasa dating post Office at ang Café Martina na dating USM Cafeteria.

Marami ring binalangkas at inilatag na programa ang pamunuan ng USM Hindi lamang sa Instruction kundi maging sa Research, Extension, Production o Income Generating Project.

Read More

Chair Committee on Gender & Development ng Probinsiya, wala pang tinutumbok kung pabor o hindi sa RH Bill

Aminado si Cotabato Board Member Airene Claire “Aying” Pagal, chairperson ng committee on Gender and Development, Family Affairs & Social Welfare ng Sangguniang Panlalawigan ng Cotabato na ngayon pa lamang ito naliwanagan sa usapin ng RH bill.

Ito ang ginawang paglilinaw ng opisyal matapos tanungin kung anu ang stand nito sa nasabing isyu.

Maging siya mismo ay hindi pa umano niya nabasa ng maayos ang nasabing panukala, dahilan kung bakit hindi ito makapagbigay ng kanyang stand kung pro ba ito o anti.

Tiniyak din ni Pagal na busisiin muna nito ang nasabing panukala kung hanggang saan ang saklaw ng RH bill bago siya magbigay ng kanyang kumento.

Iginiit ng babaeng mambabatas na gumagawa naman ng hakbang ang provincial government ng cotabato para mai-appropriate ang lahat ng pondo ng probinsiya.

Ito ang naging tugon nito matapos tanungin na hindi ang lumulubong populasyon ang dahilan ng kahirapan sa bansa kundi ang hindi tamang distribution at alokasyon ng pondo.

Kinatigan rin ito ni Gabriela Representative Luz Ilagan dahil para sa kanyan ang malaking populasyon ay may malaking impact para sa mga mahihirap.

Read More

2 patay, 12 sugatan sa road accident sa M’lang, North Cotabato

PATAY on-the-spot ang mga binatang sina Ed Lucero Pacete, 26, at Filmar Tobias Mondejar, 18, kapwa taga-Barangay Dalipe, M’lang, nang bungguin ng rumaragasang truck ang sinasakyan nilang Lawin jeep habang nakaparada ito sa may M’lang-Matalam highway, kahapon ng umaga.

       

Ayon kay Insp. Cesar Caballero, deputy chief of police ng M’lang PNP, nagdi-diskarga ng mga pasahero ang Lawin jeep sa may highway ng M’lang, partikular sa may Purok-5, Barangay Tibao, nang mabundol ito ng truck na minamaneho ng isang Rogelio Cruda na taga-Calumpang, General Santos City.

       

Ang Isuzu forward truck na may plakang MBN 676 ay may kargang uling, samantalang kargado naman ng mga pasahero na patungong Matalam, North Cotabato , ang Lawin jeep na may plakang EBE 324.

       

Sugatan sa naturang aksidente sina Julie Pacete Lucero, 22, na mula sa Las Pinas, Metro Manila; Myrna dela Cruz, 30, ng Brgy Tibao, M’lang; Irene Pacete Lucero, 29; Maria Tobias Mondejar, 24; Armando Jubillar, 26, Upper Inas, M’lang; Nena Pacete, 50; John ChristianLucero, 8; Albert Lucero Russel; Alexa Lucero Russel, isang buwang sanggol; Jay Lucero Russel, 2 months old; Wilma Mandabon, 24, ng Davao Oriental; at Anabell Tumaob Andrake, ng Barangay Tibao, M’lang.

       

Nasa custody ngayon ng M’lang PNP ang driver ng truck habang inihahanda na ang kasong reckless imprudence resulting to double homicide and multiple injuries.

Read More

2 mga mountain climbers na sugatan na-rescue sa Mount Apo

AGAD nakaakyat sa Mount Apo ang mga miyembro ng Kidapawan City Emergency Response Unit at ng Red Cross 143 para i-rescue ang dalawang mga mountain climbers na nasugatan habang paakyat ng tuktok ng Mount Apo, kahapon.

       

Kinilala ni Bryan Balmediano ng Philippine Red Cross Kidapawan sub-chapter ang mga na-rescue nilang climbers na sina Michael Isidro, 22, ng General Santos City; at Daryl Engay, 26, ng Davao City.

       

Ang dalawa ay kapwa nagkaroon ng sprained ankle kaya’t hirap ang mga ito sa paglalakad.

       

Ayon kay Balmediano, bandang alas-10 ng umaga, tumawag sa radio ang mga KidCeru members sa Barangay Ilomavis sa PRC Kidapawan at sa Tourism Office ng Kidapawan City para ipagbigay-alam sa mga ito ang sinapit ng dalawang mga mountain climbers.

       

Walang inaksayang oras ang mga rescue volunteers kaya’t agad nailigtas at maayos na naibaba sa patag ang mga biktima.

       

SAMANTALA, simula pa kahapon ang clean-up drive at trail rehabilitation sa Mount Apo para ihanda ang bundok sa Summer Climb ngayong Abril.   

       

Pero habang ginagawa ito, marami-rami nang mga mountain climbers ang umakyat ng tuktok ng bundok para samantalahin ang mahaba-habang bakasyon.

Read More

08:00am

2 sunog naganap sa Kidapawan City sa pagtatapos ng Fire Prevention Month

ISANG residential house na pag-aari ni Arcangel Apolinario sa may Delima Subdivision sa Barangay Singao, Kidapawan City, ang naabo sa sunog, alas-945 ng umaga, kahapon.

        

Ayon sa report, ang bahay ay yari sa light materials at nang maganap ang sunog, walang tao sa loob ng bahay.

        

Abot sa P100 thousand ang halaga ng mga natupok sa sunog.

        

Inaalam pa ng mga fire investigators kung ano ang pinagmulan ng sunog.

        

SAMANTALA, dakong alas-1245 ng tanghali, kahapon, muntik nang maabo ang klinika na pag-aari ni Dr. Thad Evangelista, na nasa Tamesis St., Kidapawan City.

        

Ayon sa report, biglang nag-apoy ang bubong ng klinika ni Dr. Evangelista makaraang may magtapon ng upos ng sigarilyo doon.

        

At dahil mainit ang panahon at may mga karton pang nakalagay sa erya, agad nagdulot ito ng usok.  Pero dahil maagap na nakatawag ng fire call, mabilis na naagapan ang paglaki ng apoy.

        

Nataan ang dalawang fire incident na ito sa pagtatapos ng Fire Prevention Month.

Read More

2 sunog naganap sa Kidapawan City sa pagtatapos ng Fire Prevention Month

ISANG residential house na pag-aari ni Arcangel Apolinario sa may Delima Subdivision sa Barangay Singao, Kidapawan City, ang naabo sa sunog, alas-945 ng umaga, kahapon.

        

Ayon sa report, ang bahay ay yari sa light materials at nang maganap ang sunog, walang tao sa loob ng bahay.

        

Abot sa P100 thousand ang halaga ng mga natupok sa sunog.

        

Inaalam pa ng mga fire investigators kung ano ang pinagmulan ng sunog.

        

SAMANTALA, dakong alas-1245 ng tanghali, kahapon, muntik nang maabo ang klinika na pag-aari ni Dr. Thad Evangelista, na nasa Tamesis St., Kidapawan City.

        

Ayon sa report, biglang nag-apoy ang bubong ng klinika ni Dr. Evangelista makaraang may magtapon ng upos ng sigarilyo doon.

        

At dahil mainit ang panahon at may mga karton pang nakalagay sa erya, agad nagdulot ito ng usok.  Pero dahil maagap na nakatawag ng fire call, mabilis na naagapan ang paglaki ng apoy.

        

Nataan ang dalawang fire incident na ito sa pagtatapos ng Fire Prevention Month.

Read More

Mga nasyonal at lokal na turista, dinarayo ang Mt. Apo ngayong papalapit ang summer; tourism in-charge ng Kidapawan city may babala para sa mga climbers

LABING-DALAWANG mga call center agents mula sa kalakhang Maynila at Davao City ang umakyat sa tuktok ng Mount Apo kahapon, gamit ang Mandarangan trail ng Kidapawan City.

Ayon kay Ronaldo Samonte, 32, team manager ng Concentrix Call Center sa Maynila, dalawang linggo rin sila’ng naghanda para sa gagawing pag-akyat nila sa Mount Apo.

Ito ay sa kabila pa man ng mga pag-ulan at ‘di magandang panahon. 

Para kay Samonte at sa grupo niya, ang pinaka-layunin ng pag-akyat nila ay ang muli’ng makita ang kagandahan ng Mount Apo – ang pinakamataas na bundok sa buong Pilipinas.

Ito na ang ikalawang pagkakataon na aakyatin ng grupo ni Samonte ang bundok.

DAHIL maulan ngayon, sinabi ni Marife Pame, in-charge ng Tourism Office, na ire-regulate nila ang pag-akyat sa Mount Apo.

Papayagan lang nila ang mountain climbers na abot sa 50 every other day.   Dahil kung pagbibigyan ang lahat na aakyat nang sabay-sabay, posibleng magka-problema sa trail at magkaka-traffic sa bundok.

SAMANTALA, bukas March 31 hanggang April 2, mangunguna ang mga LGU ng Kidapawan, Magpet, at Makilala o KMM sa clean-up drive sa Mount Apo.

Magiging katuwang ng KMM sa garbage collection at trail management ang 6^th Infantry Division ng Philippine Army. Abot sa 150 na mga candidate soldiers ang sasama sa clean-up drive, ayon na rin kay Pame.

Layon ng clean-up drive na muli’ng ihanda ang Mount Apo para sa mga mountain climbers na aakyat ngayong summer.

TATLO ang trail ng Mount Apo sa KMM – sa Kidapawan City, ang Mandarangan trail; sa Magpet, ang Bongolanon Falls; at sa Makilala, ang Barangay New Israel.

Read More

Ilang mga barangay ng Kabacan, makakatanggap ng livelihood assistance mula sa Mindanao Rural Development Program o MRDP Community fund for Agricultural Development

Ipinahayag ngayon ni MRDP-Community Fund for Agricultural Development o CFAD Focal Person Janice Flor Baay-Dimasingkil na makakatanggap ng livelihood assistance ang ilang mga piling barangay sa bayan ng Kabacan mula sa Mindanao Rural Development Program o MRDP.

Ang MRPD ay proyektong pinonduhan ng World Bank at ng National government at sa pakikipagtulungan na rin ng pamahalaang lokal.

Dagdag pa ni Dimasingkil na ang bayan ng Kabacan ay naka-avail ng dalawang components mula sa programang ito, ito ay ang: Rural Infrastructure at ang Community Fund for Agricultural Development.

Abot sa kabuuang P335,000 ang inilaang pondo para dito.

Kabilang sa mabibigyan ng nasabing programa ay ang brgy. Buluan ng goat dispersal, cattle breeding Projects sa Brgy. Simone, Solar Drier with Ware house sa Brgy. Simbuhay, Agri-Machineries sa Brgy. Pedtad at Solar Drier sa Brgy. Tamped.

Read More

SP Cotabato wala pa ring posisyon patungkol sa planong field trial ng BT talong sa North Cotabato

MAG-A-ANIM na buwan na ngayon matapos hilingin ng mga environmentalist group sa Sangguniang Panlalawigan ng North Cotabato na ‘wag payagan ang plano’ng field trial ng Bacillus thuringensis o Bt talong sa bayan ng Kabacan.

Pero natapos na lang ang public hearing ng Committee on Agriculture ng SP Cotabato patungkol sa isyu, hanggang sa ngayon, ‘di pa rin naglalabas ng posisyon ang naturang komitiba na pinamumunuan ni Cotabato 1^st district Board Member Vicente Suropia.

                        

May ugung-ugong na lumalabas na pinayagan na ng komitiba ni Suropia ang field trial pero hanggang  sa ngayon, ayaw pa rin ito’ng kumpirmahin ng mga local legislators.

            

Kung inyong matatandaan, noon pang nakaraang Setyembre hiniling ng Citizens Food Watch sa Sanggunian na magkaroon ng malawakang public hearing patungkol sa plano ng mga researchers mula sa University of the Philippines Los Banos na gawin ang multi-area testing ng genetically-modified talong.

            

Isa ang University of Southern Mindanao sa Kabacan sa pitong field sites na na-identify ng naturang mga researchers.

            

Sa mga nakalipas na public hearing, matibay pa rin ang pagtutol rito ng Citizens Food Watch, Integrated Rural Development Foundation, at iba pang mga NGOs sa North Cotabato.

Read More

Karamihan ng residente sa P-PALMA nakiisa sa Earth Hour

Masaya ang pamunuan ng Maguindanao Electric Cooperative ng Pikit-Pigcawayan-Aleosan- Libungan-Midsayap-Alamada (MAGELCO-P-PALMA) ng Cotabato Province sa ipinamalas na pakikiisa ng mga mamamayan sa pag-obserba ng Earth Hour noong Sabado, March 26.

Ayon kay P-PALMA Area Manager Engr. Marino Gornez, ang pakikiisa ng mga mamamayan ng mga bayan ng Pikit, Pigcawayan, Aleosan, Libungan, Midsayapa at Alamada sa isang

oras na pagpatay ng mga ilaw ay palatandaan ng pagkakamulat sa importansya ng sama-samang pagkilos para pangalagaan ang kalikasan at labanan ang climate change.

Sinabi ni Gornez na ang lahat ng electric cooperative at power distribution utilities ay may kaukulang abiso para sa pagpapatupad ng pagpatay ng kuryente sa loob ng isang orasbilang ambag sa kampanya ng gobyerno para sa pangangalaga ng kalikasan.

Sinabi ni Gornez na hindi pinag-uusapan ang mahigit P250,000 na nawala sa kanilang electric cooperative sa isang oras na pagpatay ng kuryente dahil sa kahalagahan ng adhikaing mapangalagaan ang kapaligiran at pagmamahal sa kalikasan.

Hiniling ni Gornez ang patuloy na suporta at kooperasyon ng mga mamamayan ng P-PALMA kasabay ng pagtiyak ng mas maayos na serbisyo ng kuryente ng electric cooperative sa member-consumers nito.

Read More

Dragnet operation ng mga otoridad, pinaigting makaraang mapatay ang isang kawani ng Shariah court

Nagpapatuloy ngayon ang manhunt operation ng mga pinagsanib na pwersa ng Kabacan PNP at ng Philippine Army makaraang pinagbabaril ang isang kawani ng Shariah court dito sa bayan ng Kabacan.

Kinilala ng mga Pulisya ang biktima na si Norma Delicana, 55-taonggulang, may asawa at residente ng Arcedo St., Poblacion, Kabacan, Cotabato.

Sa inisyal na pagsisiyasat ng mga otoridad, napag-alaman na habang papauwi ang biktima dakong alas 7:00 ng gabi noong Lunes galing sa kanyang trabaho sa Shariah court sa munispyo ng Kabacan.

Sakay sa trysikad ng pagdating nito ng Arcedo St, particular sa harap ng bahay ni Sainudla Sangkilan, isang di nakilalang driver kasama ang isa pang backrider parehong may suot na helmet sakay sa isang motorsiklo na walang plate number.

Ang diumano’y bumaril sa biktima. Nagtamo ang biktima ng iba’t-ibang tama ng bala sa kanyang katawan kungsaan mabilis namang itong isinugod sa pinakamalapit na ospital.

Subalit agad naman itong binawian ng buhay.

Narekober sa pinangyarihan ng insedente ang mga basyo ng Cal. 45 na baril. Agad namang tumakas ang mga salarin matapos ang insedente.

Read More

“Kapit sa Patalim at little ignorance”, ang dahilan kung bakit nahatulan ang 3 Pinoy sa China –ayon sa isang mataas na opisyal ng Gabriela Partylist

Para kay Gabriela Partylist Representative Hon. Luzviminda Ilagan, kapit sa patalim at napilitan lamang umano ang tatlong Pinoy na gawin ang naturang hakbang dahil sa malaki ang halagang ini-offer sa kanila kung kaya’t nahatulan ng kamatayan sa China ang tatlo bago magtanghali kanina matapos masangkot sa drug trafficking.

Dagdag pa ng opisyal na hindi umano nila naintindihan ang magiging bunga ng kanilang ginagawa kung kaya’t iginigiit ng opisyal na ang kawalan ng kaalaman ang isa sa mga dahilan kung bakit nasadlak ang tatlok sa parusang kamatayan.

Ito ang ginawang pagpapaliwanag ng opisyal sa isang punong pambalitaan na isinagawa kaninang umaga sa Cotabato Provincial Capitol matapos na naging pangunahing tagapagsalita ito sa Culmination Program ng Women’s Month at ng 1^st Provincial Women Leaders Summit.

Kaugnay nito, bahagyang binatikos rin ni Ilagan si Pangulong Noynoy Aquino III dahil sa kawalan nito ng aksyon para kausapin mismo ang gobyerno ng tsina. Hindi rin napigilang ikumpara ng mambabatas ang nasabing sitwasyon sa Flor Contemplacion Story.

Sinabi pa nito na may mahigit sa 600 cases na kahalintulad na kaso ang naghihintay na hindi pa tuluyang na aaksyunan.

Read More

Naiwanang uling sa kalan sanhi umano ng sunog sa isang Simbahan sa Sinamar 2, Kabacan

Tinatayang abot sa mahigit kumulang sa limampung libo ang danyos sa isang sunog na nangyari sa Kabacan Baptist Church dakong ala una ng madaling araw noong Sabado sa Sinamar 2, Poblacion, Kabacan, Cotabato.

Ayon kay Sir Nonoy Bello, may ari ng nasabing compound posibleng kalan sa uling ang sanhi ng nangyaring sunog na nagtupok sa buong gusali ng nasabing simbahan.

Maswerte namang hindi nadamay ang kanilang bahay sa likurang bahagi ng compound dahil na rin sa tulong ng mga kapit bahay sa lugar at ng mga kagawad ng pamatay apoy na mabilis namang rumisponde.

Mabilis na lumiyab ang apoy dahil karamihan ay gawa sa light materials ang nasabing gusali dahilan kung bakit lahat ng mga gamit sa simbahan ay naabo.

Agad namang nagtulong-tulong ang mga kapitbahay para maapula ang nasabing sunog, karamihan sa mga tumulong ay mga boarder’s ng Magallon boarding house na katabi lamang ng nasabing simbahan at iba pang mga kapitbahay.

Agad namang rumesponde ang mga kagawad ng pamatay apoy sa pangunguna ni Kabacan Fire Senior Inspector Ibrahim Guiamalon.

Wala namang may naiulat na nasugatan o nasawi maliban na lamang sa isang aso na na litson.

Sa ngayon mahigpit pa ring nagpaalala ang pamunuan ng BFP na maging alerto sa anumang oras at agad na ireport kung may mga kahalintulad na pangyayari hindi lamang ngayong buwan ng selebrasyon ng Fire Prevention Month kundi sa anumang panahon.

Read More

DOH 12, may panawagan sa publiko hinggil sa programang “Iligtas ang Pinas sa Tigdas”

Nilalayon ng bansang Pilipinas na mawala ang sakit na tigdas sa buong kapuluan sa taong 2012. Ang tigdas ay sakit sa sanhi ng virus.  Noong 2010, may 6,200 na kaso ng tigdas ang

naitala. Karamihan sa mga kaso ay mga batang wala pang 8 taong gulang at hindi nabakunahan.

Kaugnay nito, isinagawa kamakailan ang Media Seminar on Measles Immunization, Food, Medicine & Healthy Lifestyle sa VIP Hotel, Cagayan de Oro City.

Tatlumpu (30) sa mga kaso ang namatay. Kaya ngayong Abril 4- May 4, 2011, ay magkakaroon ng door-to-door na pagbabakuna laban sa tigdas para sa mga batang nabanggit.

Ang nasabing bakuna ay may dagdag ding proteksyon laban sa German Measles.

Pabakunanahan ang inyong mga anak laban sa tigdas. Abangan ang mga Vaccination Teams na kakatok sa inyong mga tahanan. Iligtas si baby sa tigas!

Read More

Panukalang “no permit, no Exam policy” inalmahan ng Pangulo ng USM

Para kay USM President Jesus Antonio Derije mas maiging pag-uusapan muna ng mga state Universities and Colleges ang nasabing panukalang “no permit, no exam policy” dahil kagaya ng USM kahit paman may “No exam, No Permit” policy ang USM marami pa rin anya ang hindi nakabayad ng kanilang tuition fees.

Ito ang ginawang paglilinaw ng pangulo sa kanyang programang USM Ngayon at Bukas sa DXVL FM matapos ang balitang naka-ambang na mahaharap sa kasong civil ang sinumang eskuwelahan na mapapatunayang nagpapatupad ng ‘no-permit, no-exam’ policy sa final examinations ng mga estudyante.

Ang babala ay ginawa ni Kabataan partylist Rep. Raymond ‘Mong’ Palatino at Commission on Higher Education (CHED) executive director Julito Vitriolo sa mga eskuwelahang mapapatunayang nagpapatupad ng nasabing polisiya.

Maliban pa rito ay haharangin din aniya ng CHED ang ihahaing anumang pagtaas sa matrikula ng mga eskuwelahan kung magpapatuloy na magmamatigas sa ‘no-permit, no-exam’.

Ayon naman sa Pangulo may batas na sinusunod ang USM na nakasaad sa USM Code na bagay na dapat repasuhin sakaling ipatupad ang bagong panukala.

Giit pa ni Pres. Derije na malaki pa rin ang collectibles ng USM kahit pa nga pa No Permit no Exam Policy ang pamantasan, abot sa P 4M ang collectibles ng USM mula SY 2010-2011

Read More