Mga programa para sa 59th Founding Anniversary ng Barangay Poblacion Kabacan at 13^th Panagyaman Festival 2011, niluluto na!

 Suportado ni Municipal Mayor Hon. George B. Tan   at mga opistales nito ang pagdiriwag ng  59^th Founding Anniversary ng Brgy. Poblacion ng Kabacan at ang 13^th Panagyaman Festival 2011.

Magsisimula ang nasabing selebrasyon bukas, November 25 kung saan isasagawa ang Diana sa ganap na ika 4:30 ng umaga, dito, sasakay  ang buong miyembro ng Brgy. Council at Staff sa isang pick up at maglilibot sa Poblacion habang magpapatogtog ng musika. Kasabay nito, magsisimula  rin ang Vidoe K sa Barangay na gaganapin sa Herni C. Guzman Hall sa ika alas 5 ng hapon. Sa araw ng Lunes, November 28, isasagawa  rin ang thanksgiving service  sa ala 6 ng umaga at susundan ng medical services, volleyball game sa ika 1:30 ng hapon at Little Miss Brgy. Poblacion  sa ika 3 ng hapon sa KPCS covert court.

Sa huling araw ng Foundation, Martes, November 29 taong kasalukuyan, magsisimula ang Grand Parade sa ika 6 ng umaga at iba pang fiesta program na gaganapin sa KPCS covert court.

Binigyang diin ang kahalagahan ng pagkakaisa ni  punong barangay at and over-all chairman ng aktibidad na ito  Hon.Herlo P. Guzman, Jr. habang nanghihikayat  ito sa mga mamamayan ng Kabacan na saksihan ang pagdiriwang na ito.Kampante rin boung working committee na magiging matagumpay ang selebrasyong ito, lalo na sa aspeto ng seguridad dahil dadating ang 7IB sa pamumuno ni L. Beunabentura katulong ang PNP kabacan.

Matatapos ang nasabing programa sa pamamagitan ng ng Disko ng Brgy  sa Municipal Gym gaganapin. ( Blessie Mae N. Albarracin)

Read More

US Ambassador to the Philippines Harry Thomas, Jr., nagpaabot ng mensahe kaugnay ng ikalawang taong anibersaryo ng Maguindanao Massacre

“Pakikiramay para sa mga kapamilya at kaibigan ng mga napaslang sa Maguindanao massacre” – ito ang pangunahing laman ng mensaheng ipinaabot ni US Ambassador to the Philippines Harry Thomas Jr. kahapon, November 23, 2011 kaugnay ng ikalawang anibersaryo ng insidente.

Sa kanyang mensahe, sinabi niya na bukas ang Estados Unidos sa pangako mula kay Pangulong Aquino na maihain ang hustisya laban sa mga namuno sa karumal-dumal na krimeng ito.

Laman rin ng kanyang mensahe ang pagpupuri sa mga miyembro ng Philippine National Police, Department of Justice, at Korte na nagsisikap para pabilisin ang usad ng kaso laban sa mga gumawa nitong kakila-kilabot na karahasan.

Pinapurihan rin nya ang tapang ng mga witness sa kabila ng mga banta at pananakot na kanilang natatanggap. Kanya ring ipinarating ang pagpupugay sa mga mamamahayag, mga pulitiko, at mga leader ng komunidad na nag-abot ng kanilang tulong para sa mga biktima.

Sa huli, sinabi niya na patuloy nilang alalahanin ang mga biktima ng walang awang karahasan na ginawa sa Maguindanao dalawang taon na ang nakakaraan at hindi rin sila titigil sa pagsigaw ng hustisya upang maparusahan ang mga dapat managot sa nangyari.

(Donvar Diamante)

Read More

DXVL News (The Morning News)

November 24, 2011

Sinugba festival, gaganapin ngayong araw sa bayan ng Midsayap kasabay ng 75^th foundation anniversary bukas

Abala sa paghahanda ang working committee ng 2011 Sinugba festival upang masiguro na magiging maayos ang taunang ihaw- ihaw contest and presentation sa kalsadahan ng Midsayap.

Magkakaroon muna ng opening program bukas sa ganap na ikatlo ng hapon kung saan inaasahan ang pagdalo ni North Cotabato First District Representative Susing Sacdalan na siyang guest speaker ng programa.

Inaasahan rin ang aktibong partisipasyon ng iba’t- ibang sektor bukas sa sabayang ihaw- ihaw na gagawin sa municipal plaza at sa kahabaan ng Quezon Avenue, Midsayap.

Nagpapaabot naman ng imbitasyon si Midsayap Mayor Maning Rabara na makisali at makisaya sa 2011 Sayap Sinugba Festival

Mahigpit naman ang seguridad na ipinapatupad ng kapulisan upang masiguro na ligtas at mapayapa ang weeklong celebration ng araw ng midsayap.

Nagdiriwang ngayong November 25, 2011 ng ika- 75 taong anibersaryo  o diamond anniversary ang bayan.(with reports from Balong Bautista)

Read More

4 patay, 7 iba pa sugatan sa pagsabog ng granada sa Midsayap kagabi; seguridad sa 75^th foundation anniversary ng Midsayap hinigpitan kasabay ng pagkarekober ng IED sa lugar

Patay ang apat katao habang pitong iba pa ang sugatan makaraang sumabog ang granda sa Brgy. Nalin 1, Midsayap, Cotabato dakong alas 7:30 kagabi.

Kinilala ni P/Supt. Franklin Anito ang mga biktima na sina Hilario Villaflor, 60-taong gulang may-asawa at residente ng nasabing lugar kung saan idineklarang dead on the spot.

Tatlo din ang namatay sa ospital na sina John Loyd Anza, 8; Isidro Awa, 40; at ang 12-taong gulang na si Eric John Querol.

Sa inisyal na imbestigasyon ng mga otoridad lumalabas na posibleng love triangle ang motibo ng nasabing paghahagis ng granada sa pamamahay ng isang Dina Madrigal ng nasabing lugar.

Patuloy naman ang malalimang imbestigasyon ng Midsayap PNP sa nasabing pangyayari, isang araw bago ang Sinugba Festival at 75^th diamond anniversary ng bayan.

Una rito, mas pinaigting ngayon ng pulisya at militar ang pagbabantay sa isang linggong selebrasyon ng 75th Foundation Anniversary sa Midsayap, North Cotabato,  kasunod ng pagkaka-defuse ng 66th Explosive Ordnance Disposal Team kahapon ng isang malakas na uri ng improvised explosive device (IED) sa Purok Tres Rosas, Brgy. Sadaan, Midsayap.

Ayon kay Mark Salva, drayber ng isang traysikad, sumakay umano ang isang hindi nakilalang pasahero mula sa bus terminal at nagpahatid sa isang malaking pamilihan. Nagtaka si Salva dahil hindi na bumalik ang kanyang pasahero kaya sinita siya ng security guard na umalis na dahil nakakaabala na ito sa daloy ng trapiko.

Dinala ng drayber ang karton na may lamang thermos sa kanilang tahanan ngunit nang kanya itong buksan ay nagtaka siya dahil may laman itong mga wires at mabigat.

Kaagad niya itong itinapon at tumawag ng mga pulis.

Mabilis na rumesponde ang mga bomb experts ng Philippine Army at dinefuse ang naturang bomba. Patuloy pa ang imbestigasyon ng Midsayap PNP sa pamumuno ni Supt. Franklin Anito para makilala ang suspek na nag-iwan ng bomba sa tricycle. 

Read More

Lalaki patay sa pamamaril sa Pikit; Cotabato

Read More

Agri-Eskwela Radio Program Launching, Isasagawa sa DXVL-FM

            Isasagawa ang launching ng programang AGRI-ESKWELA sa himpilang DXVL FM sa Sabado - November 26, 2011.  Ito ay ilulunsad sa pamamagitan ng Department of Agriculture Regional Field Office 12, Agricultural Training Institute 12, Office of the Provincial Agriculturist sa lalawigan ng North Cotabato sa pakikipagtulungan ng Office of the Municipal/City Agriculturist ng bawat bayan.

            Tampok sa palatuntunang ito ang mga updates sa mga programa ng DA, OPA at line agencies. Kasama rin dito ang mga makabagong kaalaman tungkol sa agrikultura, fisheries, livestock at poultry production. Bahagi ng radio program ang talakayan hinggil sa makabagong teknolohiya, mga balita at mga kaalamang pang-agrikultura.

                     Kasabay ng paglulunsad ng programang AGRI-ESKWELA ay ang school-on-the-air para sa mga 4H Club at Rural Improvement Club members ng lalawigan na nakapaloob sa nabanggit na programa.

            May mga special topics sa programa na tatalakayin patungkol sa ibat-ibang recipes ng bigas, mais at gulay. Ang mga rehistradong kalahok sa school-on-the-air ay inaasahang makinig ng palagian sa programa tuwing Sabado at Linggo alas siyete y media hanggang alas otso ng umaga.

                     Ang mga partisipante ay sasagot ng mga katanungan pagkatapos matalakay ang bawat topic sa pamamagitan ng text. Ira-raffle ang mga entries ng may tamang kasagutan at pagkakalooban ng papremyo ang apat na mananalo sa bawat araw ng broadcast ng programa.

                     Magkakaroon din ng post-test at general evaluation sa mga kalahok ng school-on-the-air. Nakatakdang magtapos ang mga graduates ng SOA sa Enero ng 2012.(From Provincial Correspondents for Agriculture RUEL L. VILLANUEVA)

Read More

Ika-2 taong anibersaryo ng Maguindanao Massacre; gugunitain ngayong araw

Eksakto ikalawang taon na ngayon ng Maguindanao-Ampatuan Massacre makaraang mapaslang ang may 58 katao kabilang na dito ang 32 mga kagawad ng media sa Sitio Masalay, Brgy. Salman, Ampatuan, Maguindanao.

Pero para sa mga kamag-anak ng biktima hindi pa rin tapos ang kanilang ipinaglalaban para makamit ang totoong hustisya. Kahapon, isang araw bago ang anibersaryo ay nagsama-sama sa massacre site ang mga kamag-anak ng mga massacre victims, grupo ng media practitioners at iba pa na pinangunahan ng National Union of Journalists of the Philippines o NUJP.

Sa panayam ng DXVL Radyo ng bayan kay Rose Momay Agor, ang kamag-anak ng biktimang si Reynaldo Momay ng Midland Review na hanggang ngayon ay patuloy na pinag-hahanap, dismayado siya sa tila usad pagong na proseso ng kaso. Nalulungkot pa rin ito na minsan pa’y nawawalan na ng pag-asa kung makikita pa ba nila ang bangkay ni Momay o hindi na.

Samantala dagdag at kaugnay na balita… Napag-alaman na kabilang sa aktibidad kahapon ay ang caravan patungo sa Sitio Masalay na kinabibilangan din ng mga kasapi ng NUJP mula ditto sa North Cotabato, kasama na ditto ang News team ng DXVL-Radyo ng Bayan na pumunta sa massacre site kahapon.

Mapapansin na ang kaibahan ng massacre site ngayon kung ikukumpara noong nangyari ang paghuhukay sa bangkay ng mga biktima kung saan na-develope na ang lugar. Mula sa national Highway abot sa mahigit limang kilometro ang pinaghukayang grave site kungsaan nakatayo na ngayon doon ang abot sa 2Million Multi Purpose building.

Liban sa ilang mga kaanak, nanguna rin ang mga miyembro ng local chapter ng Kapisanan ng Brodkaster ng Pilipinas (KBP), National Union of Journalist in the Philippines (NJUP) at iba pa. Ang running priest na si Father Robert Reyes ang nanguna sa pagsasagawa ng banal na misa sa lugar.

Isinagawa rin ang pag-alay ng panalangin at pagtirik ng kandila ng mga kamag-anak ng biktima ng masaker kasama na rin ang ilang kinatawan ng peace advocacy groups. Sa mensahe ng pari di nito maiwasang magpatutsada sa nakaraang administrasyon.

(insert tape Fr. Reyes) ang naging pahayag ni Father Robert Reyes ang Running Priest

Hustisya pa rin ang isinisigaw ng mga kaanak kasabay ng panawagan sa gobyerno na tutukan ang kaso upang mapadali ang pagpataw ng parusa sa mga suspek sa nangyaring krimen.

Ayon sa mga nagtungo sa lugar kahapon hindi na sila makikisabay ngayong araw sa pamilyang Mangudadatu at iba pang mga supporters dahil siguradong mas marami ang bubuhos sa site.

Ang commemoration activity ay pangungunahan ng provincial government ng Maguindanao.

Ngayong umaga naman, isang misa rin ang gagawin sa Forest Lake Cemetery sa General Santos City.

Sa statement na ipinalabas ng Heirs of 11/23 Hereos Incorporated, isasagawa ang motorcade alas-3:00 ng hapon bukas sementeryo sa Gensan kung saan doon inilibing ang 12 sa mga biktima na mga miyembro ng media.

Naging mahigpit naman ang seguridad na ipinapatupad ng Philippine National Police (PNP) at militar sa massacre site.

Odik: Una rito, umaabot sa P13 milyon ang inilaan na pondo ng provincial government ng Maguindanao sa ipinatayong istruktura sa massacre site.

Sa nasabing halaga, umaabot sa P10 milyon ang napunta sa pagpakongkreto ng isang kilometro na daan patungo sa massacre site; P2 milyon para sa pagpatayo ng multi-purpose hall at dalawang guardhouses; P150,000 para sa kongkretong memorial marker; P480,000 ang inilaan para sa tatlong poste na solar-powered lamp at P350,000 naman para sa ipinatayong bakod.

Iwinasto na ang may maling pangalan ng ilan sa mga biktima na nakalagay sa memorial marker.

Samantala, una naring inihayag ni NUJP general secretary Rowena Caranza Paraan na magbibigay ng scholarship ang organisasyon sa mga anak ng mga nagging biktima ng Maguindanao Massacre.

Read More