DXVL (The Morning News)                                                                           November 17, 2011

University-wide forum on Philippine Education System cum budget cut; isasagawa ngayong umaga

Pangungunahan ni Bayan Muna Representative Teddy Casiño kaagapay ang Student Alliance for Genuine National Democracy o (STAND) ang gagawing University Wide Forum on Philippine Education System cum budget cut ngayong umaga dito sa University of Southern Mindanao na isasagawa sa University Gymnasium.

Ayon sa tagapagsalita ng AnakBayan-Kabacan na si Darwin Rey Morante ang nasabing forum ay naglalayong talakayin ang kasalukuyang hinaharap na budget cut ng mga state run Universities and Colleges at isa na ditto ang USM.

Ito umano ay dahil sa pag-iwan ng kasalukuyang pamahalaang nasyunal sa pagsuporta sa edukasyon kungsaan napapabayaan at nasasakripisyo ang kalidad ng edukasyon dahil sa kawalan ng suporta ng gobyerno, giit pa ni Morante.

Isa na ditto ang zero capital outlay na natatanggap ng mga Pamantasan at kabilang na ditto ang USM.

Kaugnay nito, nananawagan ang mga militante at progresibong kabataan sa mga mag-aaral at guro ng USM na dumalo sa forum alas 8:00 hanggang alas 11:00 ngayong umaga na gaganapin dito sa loob ng Pamantasan.(RB ng Bayan)

Read More

Kabayo, ninakaw sa Pikit, Cotabato

Ninakaw ng mga di pa nakilalang mga kawatan ang kabayo na pag-aari ng isang traffic aide ng Pikit, Cotabato ala 1:00 ng medaling araw nitong Lunes.

Sa report ni DXVL News researcher Armie Alivo, kinilala ng Pikit PNP ang biktima na si Juale C. Guimalon, 26 taong gulang, may asawa, isang traffic aide at residente ng Lamak, Pob. Ng nabanggit na bayan.

Ayon sa report, mahimbing na natutulog umano ang pamilya Guiamalon ng mga oras na iyon ng kalagan umano ng mga kawatan ang kanilang alagang hayop na nakatali sa loob ng kanilang bakuran at agad dinala sa isang masukal na lugar.

Di pa mapatid kung kinatay ang nasabing hayop.

Plano din sana umano ng mga kawatan na tangayin ang Bajaj motorcycle ng mga biktima, subalit bigo po silang maisakatuparan ito dahil nasa loob ng kanilang pamamahay.

Nagbabala naman ang Pikit PNP sa pangunguna ni P/insp Joan Resurection na mag-ingat dahil rumarami na nman ang kawatan sa nasabing bayan, siguraduhin daw di umanong naka-lock ang bahay tuwing aalis at huwag iwanang nakatihaya ang mahahalagang bagay sa loob ng bahay.

Read More

Batang babae sa Pikit sugatan makaraang mabundol ng sasakyan

Sugatan ngayon at nagpapagaling sa hospital ang isang Syra May Villarubia, bunsong anak ni Mr. Serio Villrubia, at residente ng Ladtingan Pikit Cotabato, matapos itong mabundol ng single kawasaki Bajaj Motorcycle noong lunes bandang alas siyete ng umaga. 

Ayon sa Pikit PNP ang naturang single motor ay manamaneho ni Abarientos Bantugan, isang menor de edad at residente ng brgy.Macabual, pikit, ito ay ayon sa report na nakuha ni dxvl news researcher jerry saac.

Nagkasundo nman ang magkabilang panig na hindi na magsampa ng kaukulang kaso sa kondisyong sasagutin ng ang lahat ng babayarin ng biktima habang itoy nagpapagaling sa hospital.

Read More

DXVL (The Morning News)                                                                           November 17, 2011

Kampanya versus malaria pinaiigting sa North Cotabato

NGAYONG Nobyembre, isinusulong ng Department of Health o DoH ang 4Ms bilang paraan ng pagsugpo sa malaria – isang sakit na dala ng lamok.

       

Ang una sa 4Ms ay ang MAGKULAMBO; pangalawa, MAGPA-EKSAMIN NG DUGO; pangatlo, Ito ang MAGPATUBOG sa ginagamit na kulambo o mosquitero;

Ayon kay Elvie Dominicata, cluster head sa Fight Against Malaria Project ng Integrated Provincial Health Office sa North Cotabato, dahil sa subsob na kampanya ng DoH kontra malaria, bumaba ng halos 82 porsiento ang dami ng tao’ng tinamaan ng naturang sakit, nito’ng taong ito.

       

Kung noong 2010, abot sa 64 ang malaria cases, ngayong taon, abot na lamang ito sa labing-walo. Ang bayan ng Carmen ang may pinakamarami’ng kaso ng malaria, ayon kay Dominicata.

       

Ang mga kaso ng malaria ay na-monitor sa mga barangay ng Bentangan at Lintangan.

Sa buong Region 12, bumaba rin ang bilang ng malaria sa 87 porsiento.

       

Kung noon, abot sa 694 ang kaso ng malaria, sa ngayon, abot na lang ito sa 124. Ang lalawigan ng Sultan Kudarat ang nananatiling may pinakamaraming kaso ng malaria.

       

Tatlo ang sintomas ng malaria: mataas na lagnat; matinding panginginig ng buong katawan; at tuluy-tuloy na pagpapawis. Kapag may ganito’ng sintomas na kayo’ng nararamdaman, payo ni Domnicata, ay pumunta na sa rural health clinic at magpasuri sa inyong dugo.

Read More

DXVL (The Morning News)

November 16, 2011

3 araw na Multi-Area Post-World Food Day 2011 pormal ng magsisimula ngayong umaga

Sa pamamagitan ng temang “Isulong!  Pagpaparami ng abot kaya, sapat, ligtas at masustansyang pagkain para sa lahat.”  pormal ng bubuksan ngayong umaga ang tatlong araw na Multi-Area Post World Food Day Celebration and Forum dito sa University od Southern Mindanao na magsisimula ngayong alas 8:00 ng umaga.

Kabilang sa magiging highlight sa gagawing pagbubukas ng programa ang signing of the renewed Task Force Food Sovereignty o TFFS-Memorandum of Understanding between USM & IRDF; and statement of Collaborative Understanding among TFFS-Mindanao Members.

Isa sa magiging panauhing pandangal ng naturang forum si Mayor George Tan, Dr. Naomi Tangonan Vice President for Research & Extension ng USM, ngayong umaga.

Ang layon ng gagawing forum na ito ay upang bigyan ng mga bagong mga kaalaman ang mga myembro ng task force food sovereignty o TFFS Mindanao, hinggil sa organic farming kasama na ang mga government organization at mga Non-Government organizations LGU’s mga magsasaka at iba pang mga stakeholders.

Ayon kay Ms. Khadiguia Ontok-Gonzaga, faculty ng College of Arts and sciences nabatid na kabilang sa mga tatalakayin sa forum ang mga advantages at disadvantages ng paggamit ng Genetically Modified Organism o GMO, ligtas na pagsasaka gamit ang organic farming at iba pa.

Kabilang sa mga magbibigay ng mensahe sa pagbubukas ng programa ngayong araw ay sina Cotabato Governor Emmylou “Lala” Taliño Mendoza, 2^nd district congresswoman Nancy Catamco, USM Pres. Dr, Jess Derije at Ms., Arze Glipo, Executive director ng IRDF at lead convenor ng Asia Pacific Network for Food Sovereignty. 

Read More

DXVL (The Morning News)

November 16, 2011

Ika-pitong annibersaryo ng Hacienda Luisita Massacre; gugunitain ng mga progresibong at militanteng grupo ng mga Kabataan sa North Cotabato

Makikiisa ang progresibong grupo ng mga kabataan ng Kabacan, North Cotabato sapag-alala sa isang malagim na pangyayari sa kasaysayan ng masang api—ang marahas na Hacienda Luisita Massacre noongi ka 16 ngNobyembre taong 2004.

Sa paggunita ng ikapitong anibersaryo ng masaker ngayong araw, magsasagawa ng serye ng pagsindi ng kandila ang mga progresibong grupong mga kabataan bilang pag-alala at bilang panawagan para sa makatarungang hustisya sa mga martir ng Hacienda Luisita at ang pagkamit sa tunay na repormang agraryo.

Ayon sa tagapagsalita ng AnakBayan North Cotabato chapter Darwin Rey Morante, mahigit kalahating siglo na ang tunggalianga graryo sa Hacienda Luisita ngunit di parin nakakamit ng mga magsasaka’t manggagawang-bukid ang kanilang pangarap na maipamahagi sa kanila ang lupang pinaglaanan nila ng kanilang pawis at dugo.

Pahayag rin ng College Editors Guild of the Philippines (CEGP)-Greater Cotabato head secretariat Jenifer Cardo, na ang labanang Hacienda Luisita ay di lamang laban ng mga magsasaka’t manggagawang-bukid.  Kundi laban din ito ng mga mamamayang Pilipino sa sistemang pyudal na isa sa mga balakid sa pag-unlad ng ating bansa.

Pinaliwanag naman ni League of Filipino Students (LFS)-Kabacan Abdulrahman Malabana, na mas masahol pa sa naganap namasaker ang pagkakait parin ng pamilya Cojuangco-Aquino ng karapatan sa lupa sa libo-libong magsasaka’t manggagawang-bukid ng Hacienda Luisita.

Dagdag pa ni Leah Joy Pasion ng LFS-Kabacan, kaya naman ng estado na ibigay ang katarungang panlipunan sa mga masang pinagkaitan ng bunga ng kanilang lakas paggawa gamit ang kapangyarihan nito.

Iginiit naman ni Student Christian Movement of the Philippines (SCMP) head Julie John Cadiente na tanging tunay na reporma ng agraryo lamang ang kikitil sa mala-kamay na bakal na pagkontrol ng mga panginoong may lupa sa mga malalaking lupaing tulad ng Luisita.

Nananawagan ang progresibong grupo ng mga kabataan na sanay maging tapat ang pangulong PNOY sapag papatupad sa interes ng mamamayang kanyang piniling maging kapangalan.

Read More

DXVL (The Morning News)

November 16, 2011

Pagsabog na naganap sa Carmen, Cotabato “isolated case” at walang kinalaman ang 55^th Founding Anniversary ng bayan –ayon sa pulisya

Itinuturing ni Chief Insp. Jordine Maribojo ang hepe ng Carmen PNP na isang ‘isolated case’ ang naganap na pagsabog at walang kinalaman sa ginanap na 55^thfounding anniversary ng Carmen, kahapon.

Sa kabila ng pagsabog ng granada kamakalawa ng gabi, tuloy pa rin ang selebrasyon sa Carmen, ayon sa mga opisyal ng LGU.

Sinimulan kahapon alas-9 ng umaga sa municipal gym ng Carmen ang culmination activity.

Kung maalala, isa  ang patay habang 22 iba pa ang sugatan nang sumabog ang isang granada sa isang peryahan sa Poblacion, alas-10:45 nitong gabi ng Lunes.

Kinilala ang nasawi na si Joseph Tumeldin na nanonood ng cara y cruz sa perya no'ng mga oras na 'yun. Isinugod siya sa Kabacan Medical Specialist Center sa bayan ng Kabacan pero makalipas ang ilang sandali ay binawian din ng buhay.

Ayon kay Chief Inspector  Maribojo, inihagis ang granada sa bubong ng bahay ng isang nagngangalang Lolita na malapit sa peryahan at bumagsak sa nagkaka-cara y cruz. Sinabi ng pulisya na posibleng personal grudge ang motibo sa pagpapasabog. Isa umano sa mga sugatan ay kamag-anak ng target ng suspect.

Gayunman, tumanggi si Maribojo na kilalanin ang suspect at kung alin sa mga sugatan ang target ng pagsabog.

Naganap ang pagsabog isang araw bago ang ika-55 na founding anniversary ng bayan ng Carmen.

SA mga sugatan, 11 rito nasa kritikal ang kondisyon, ayon sa mga staff ng North Cotabato Provincial Hospital.

       

Ang pinaka-kritikal sa mga ito, ayon sa report, ay si Jessie Miano na tinamaan sa kanang mata, at ang batang si Delvert Gerodias na tinamaan sa sikmura.

Si Gerodias ay sumailalim sa maselang operasyon ala-una ng umaga, kahapon.

Si Jessie Miano ay patitingnan sa isang ophthalmologist dahil may pangamba ang mga staff ng ospital na kung ‘di ito sasaillaim sa operasyon sa mata ay posible siya’ng mabulag.

Ang iba pang mga sugatan sa pagsabog sa peryahan sa Carmen, North Cotabato ay kinilalang sina –

3. Felipe Repe

4. Rey Jack Sanoy

5. Renato Ortiz

6. Juan Panes

7. Cesar Ruba

8. Ereneo Pontongan

9. Norma Pontongan

10. Properio Asis

11. Tomas Ondoy.

Nasa out-patient department naman sina –

12. Ronald Aquino

13. Warlito Lorenzo

14. Baldo Balde

15. Hilario Rebunsa

16. Elwel Kho

17. Ibrahim Ismael

18. Kayog Zacaria

19. Wenna Miano

20. Jackielyn Tomeldin

21. Jane Jawud.

Matagumpay namang idinaos ang kapiestahan ng bayan ng Carmen kahapon.

Ang Carmen na binubuo ng 38 barangay ay dating barangay ng bayan ng Kabacan. Naging isa ito’ng bayan 55 taon na ang nakalilipas sa bisa ng executive order na inisyu noon ni dating Pangulong Ramon Magsaysay.  

Read More

Mga akyat bahay gang, muling umatake na naman sa bayan ng Kabacan; Cancer patient; pumananaw

Written by: Rhoderick Beñez

(Kabacan, North Cotabato/February 16, 2011) ---Muling nagpaalala ngayon ang mga otoridad sa publiko hinggil sa paglipana naman ng mga kawatan na akyat bahay gang dito sa bayan ng Kabacan.

Bago mag-alas 8:00 kagabi, hinabol ng mga residente ng Purok Miracle dito sa Poblacion ang di pa nakilalang mga kawatan na uma-aligid sa nasabing lugar na di pa naman natukoy kung anung gamit ang nakulimbat ng mga ito.

Matatandaang nitong mga nakalipas na linggo ay pinupunterya ng mga ito ang mga cellphones lalo na yaong mga loader ng mga tindahan.

Nabatid na muli na namang umatake ang mga ito dahil papalapit na naman ang kapaskuhan kaya’t payo ng mga otoridad na doble ingat at siguraduhing may nakabantay sa inyung mga pamamahay kung kayo man ay aalis.

Samantala, matapos makipag-laban kay kamatayan binawian na ng buhay kahapon ng hapon ang isang cancer patient na tubong Kabacan na nakapasa sa CPA licensure examination.

Kung maalala, Si Lope “Jong” Dapun, Jr. estudyante ng Ateneo de Davao University, residente ng 3rd Block, Villanueva Subdivision, Kabacan, Cotabato at graduate ng BS Accountancy ngayong 2011 ay nasa malubhang kalagayan dahil sa sakit nitong Bone cancer.

Bagamat nasa kritikal na kondisyon noon nagawa pa nitong maipasa ang katatapos na Certified Public Accountant Licensure Examination na ginanap nitong buwan ng Oktubre.

Sa isang ospital sa Davao city binawian ng buhay ang 21-taong gulang na binatilyo, na naging positibo pa rin sa buhay sa kabila ng kalagayan nito dahil ang Panginoon ang nagpupuno ng kanyang kakulangan, ayon sa kanyang mga kamag-anak.

Read More

Isa patay, 22 iba pa sugatan sa pagsabog ng granada sa Carmen, N Cotabato

ISA patay habang 22 iba pa ang sugatan nang sumabog ang isang granada sa isang peryahan sa Poblacion, alas-1045 kagabi.

       

Kinilala ang nasawi na si Joseph Tumeldin na nanonood ng cara y cruz sa perya no'ng mga oras na 'yun.      Isinugod siya sa Kabacan Medical Specialist Center sa bayan ng Kabacan pero makalipas ang ilang sandali ay binawian din ito ng buhay.

      

Karamihan sa mga sugatan mga bata, ayon sa inisyal na report mula sa Carmen PNP.

     

Inihagis umano ang granada habang nagkakasayahan sa perya.

      

Ang bomba tumama raw sa bubong ng bahay na malapit sa peryahan at bumagsak sa nagkaka-cara y cruz.

      

Sinasabing ang granada ay inihagis ng isang lalaki matapos matalo sa isang sugal sa loob ng perya.

     

Subject na siya ngayon ng police manhunt, ayon kay Chief Inspector Jordain Maribojo, hepe ng Carmen PNP.

     

Naganap ang pagsabog isang araw bago ang ika-55 na founding anniversary ng bayan ng Carmen.

Read More

Mga militanteng grupo ng Kabataan, mariing kinokondena ang suportang ibinigay ng pamahalaang nasyunal sa mga SUC’s

Nagpahayag ngayon ng pagkabahala ang mga progresibo at militanteng grupo ng mga kabataan sa North Cotabato dahil sa kakulangan ng suporta sa edukasyon ng pamahalaang nasyunal sa pagbubukas ng 2^nd semester ngayong SY-2011-2012.

Sa report, 24 na bilyon diumano ang kinaltas para sa budget sa sector ng edukasyon bagay naming inalmahan ng grupo ng Anakbayan at iba pang grupo.

Sinabi ni AnakBayan spokesperson Darwin Rey Morante na ang pagkaltas sa pondo ng gobyerno sa edukasyon ay isang mukha ng “state abandonment” na nagging dahilan na rin ng paghihigpit ng sinturon ng mga State Universities and Colleges (SUC’s).

Iginiit ng militanteng  grupo na kapag nagpatuloy ang pagbaba ng subsidiya ng pamahalaan sa edukasyon ay magbubunsod diumano ito ng mas istriktong implementasyon ng mga iskema para sa tuition and financial assistance ng bawat pamantasan, bunsod nito ang pagtaas ng matrikula.

Pahayag rin ni Abdulrahman Malabana, tagapagsalita ng grupong League of Filipino Students (LFS) marapat lang diumano na kalampagin ng mga kabataan at estudyante ang kasalukuyang administrasyon upang iprayoritisa ang edukasyon higit saan pa man.

Habang patuloy na lumalaki diumano ang inilalaan ng gubyerno sa pambayad utang panlabas ay tumitindi naman ang pagbagsak ng subsidyo ng pamahalaan sa panlipunang serbisyo kabilang ang edukasyon.

 Mahigpit na mga komento rin ang ipinukol ng grupo ng mga manunulat pangkampus sa kasalukuyang rehimen sa usapin ng pagkaltas ng pondo sa edukasyon.

Ayon kay Jenifer Cardo ng College Editors Guild of the Philippines (CEGP) mas nagiging manhid at inutil diumano ang administrasyong US-Aquino sa tunay na hinaing ng mga kabataan at estudyante. Taon-taon diumano ay lumalala ang kalagayan ng mga estudyanteng di na makapag enrol dahil sa napakataas na halaga ng matrikula.

Iginiit ng grupong CEGP ang pag aaral mula saNational Statistical Coordination Board (NSBC) na nagsasabing 83% ng mga estudyanteng nasa unang taon ay hindi diumano makakapagtapos ng kolehiyo.

Nagsumite rin sa Committee on Appropriations sa Kamara si Kabataan Representative Raymond Palatinong petisyon ng mga estudyante upang ibigay ang kinakailangang pondo para matustusan ang edukasyon ng kabataan.

Ang mga progresibo at militanteng grupo ng mga kabataan at estudyante ay nakatakdang maglunsad ng serye ng mga pagkilos upang muling ibalik at ipakita ang kolektibong lakas ng mga kabataan upang kalampagin ang kasalukuyang administrasyon at kilalanin ang kagalingan at karapatan ng kabataan sa edukasyon.

Read More

NUJP nakatutok sa mga panganib at banta sa trabaho ng mamahayag sa Central Mindanao

Bagama’t aminado ang ilang mga media practitioners sa lalawigan ng North Cotabato na mapanganib ang profession na kanilang pinasok, tiwala naman ang mga ito na may malaking papel na ginagampanan ang media sa lipunan.

Kaugnay nito, tinututukan ngayon ng National Union of Journalist of the Philippines o NUJP ang mga kahalintulad na kaso at mga pagbabanta sa buhay.

Sa isang Risk-mapping Workshop ng NUJP kahapon na ginanap sa Kidapawan city, dito tinukoy ni NUJP-Mindanao Media Safety Officer JB Deveza ang mga reports at isyu na nalalagay sa panganib ang buhay ng isang mamamahayag. 

Ayon sa mga media practitioners kabilang sa mga reports na ito ay ang pag-cocover nila sa illegal na gawain katulad ng illegal gambling, illegal drugs, kotong at iba pa.

Para naman kay Atty. Al Calica, Kidapawan City Prosecutor nakahanda naman umano ng DOJ na tumulong sa mga media sakaling may kinakaharap na mga pagbanta sa buhay ang mga ito.

Sinabi pa ng opisyal na sa Central Mindanao apat na kaso ngayon ang kanilang tinututukan kasama ang NUJP, isa na dito ang kaso ng isang broadcaster na binaril sa Kabacan.

Nabatid mula kay Deveza, na ang Pilipinas ang pumapangalawa sa Iraq sa mga tinatawag na deadliest country para sa mga Journalist.

Batay sa report na naitala ng NUJP, abot sa 146 ang mga media killings na kanilang naitala mula 1986, 78 dito mula sa Mindanao kabilang na ang 32 na pinaslang sa Ampatuan Massacre.

Read More

DXVL (The MorningNews)                                                                          November 15, 2011

Sanggol itinapon sa isang abandonadong lugar sa Poblacion, Kabacan, namatay na sa ospital

Buhay pa ng makita ng isang residente na di nagpakilala ang isang sanggol na itinapon sa isang abandonadong lote sa Poblacion ng Kabacan, Cotabato, bandang alas-4 ng hapon, noong Linggo.

Agad isinugod ang sanggol ng nakakita sa may North Cotabato Provincial Hospital sa Kidapawan City.

Pero bandang alas-930 ng gabi noong araw ding iyon, binawian ng buhay ang sanggol, ayon kay Dr. Eva Rabaya, ang chief of clinics ng provincial hospital.

Nagkaroon umano ng ‘respiratory distress’ ang sanggol kaya ito namatay.          

Pero ang sanggol ay wala pa raw sa ‘full term’ nito.  

Katunayan, kahit ito ay 26 na linggo pa lang sa sinapupunan ng ina ay sapilitan ito’ng iniluwal at itinapon sa isang tagong lugar dito sa Poblacion ng Kabacan.

Ang sanggol ay binigyan nila ng code na “Baby Boy: 11-13” dahil ito ay noong Nov 13 inihatid sa kanilang ospital.   Posibleng sa araw ding iyon isinilang ang sanggol, ayon kay Dr. Rabaya,

Ang nais ng management ng North Cotabato Provincial Hospital na mabigyan ito ng disenteng libing.

Alas-9:30 kagabi 24 na oras ng patay ang sanggol kaya marapat na lamang na ilibing ng nasabing ospital si “Baby Boy: 11-13” dahil din a ito binalikan ng residenteng nakakita sa kanya.

Read More