5 na sugatan sa pagsabog ng granada sa Matalam, North Cotabato

(Matalam, North Cotabato/ December 5, 2015) ---Lima katao ang naiulat na sugatan sa pagsabog ng granada sa Rotonda area papuntang Palengke sa Poblacion ng Matalam, North Cotabato mag-aalas 11:00 kagabi.

Kinilala ni PCI Sunny Leoncito, hepe ng Matalam PNP ang mga sugatan na sina: Macmod Kanacan, 24-anyos, isang drayber at residente ng Kilada, Matalam; Kensed Dilangalen, 32-anyos, magsasaka at residente ng Brgy. Bulit, Datu Montawal, Maguindanao; Dan John Anam, 28-anyos ng Taguranao, Matalam; Geraldo Peralta Jr., 44-anyos, Poblacion, Matalam at isang Sharon Diaz Bolante, 35-anyos, negosyante at residente ng Poblacion sa bayan ng Matalam.

Read More

P45K na halaga ng shabu, nasamsam sa isang tulak droga sa Matalam, NCot; kalibre .45 na pistol narekober malapit sa bahay ng suspek

(Matalam, North Cotabato/ December 3, 2015) ---Arestado ang isang 35-anyos na lalaki na sangkot sa pagtutulak ng illegal droga makaraang halughugin ng mga kapulisan ang bahay nito sa inilatag na drug raid sa Purok Krislam, Poblacion, Matalam, North Cotabato alas 11:20 kahapon ng umaga.

Kinilala ni PCI Sunny Rubas Leoncito, hepe ng Matalam PNP ang suspek na si Lance Mangacop Mamalangkay ‘alias’ stanless, 35-anyos, may asawa at residente ng nasabing lugar.

Nahuli ang suspek batay sa search warrant na inisyu ni Hon. Judge Laureano Alzate, Presiding Judge ng Regional Trial Court Branch 22, Kabacan, Cotabato.

Read More

Dating waiter patay sa pamamaril sa Kidapawan City

Patay ang isang 27-anyos na lalaki matapos itong pagbabarilin ng di pakilalang riding tandem kriminal sa Dumacon Street. Poblacion Kidapawan City pasado alas syete kagabi.

Kinilala ni Supt. John Calinga, City Director ng Kidapawan City PNP ang biktima na si Anjo Agtuca Gumera residente rin ng nabanggit na lugar.

Ayon sa report nakaupo lamang ang biktima sa gilid ng daan ilang metro ang layo mula sa kanilang bahay ng lapitan ito ng mga suspek na sakay ng motorsiklo at agad na pinagbabaril.

Read More

Ilang kaso ng pamamaril sa Kabacan, mareresolba na matapos na matukoy sa ballistic examination ang baril na ginamit ng mga suspek

(Kabacan, North Cotabato/ December 3, 2015) ---Tumugma ang baril na ginamit ng mga suspek na nahuli sa isinagawang ‘Oplan Suyod’ sa bayan ng Kabacan noong Nobyembre a-27 ng madaling araw sa apat na insidente ng pamamaril sa bayan ng Kabacan.

Ayon kay Kabacan Mayor Herlo Guzman Jr. sa panayam ng DXVL News nagpositibo sa ballistic examination ang baril na nakuha mula kay Omar Sultan alias ‘Menu’ Derby Gani ng Brgy. Lower Paatan, Kabacan.

Sinabi ng Alkalde na apat na shooting incident ang nagawa ni Alias Derby nitong nakaraan na tumugma ang baril nito na hawak habang ang dalawa pa nitong mga kasamahan ay nagpositibo rin sa nangyaring pamamaslang sa bayan ng Carmen.

Read More

Boy Scouts ng ULS-USM, kampeon sa BSP 41st Council Jamboree

(Kabacan, North Cotabato/ December 3, 2015) ---Muling na depensahan ng Boy Scouts ng University Laboratory School ng University of Southern Mindanao buhat sa bayan ng Kabacan ang kanilang titulo ngayong taon.

Batay sa ulat, muling nakamit ng pangkat ng ULS Boy Scouts ang Over-all Champion at tinaguriang GRAND SLAM sa katatapos lang na 41st Council Jamboree sa Camp Bulatukan, Makilala, Cotabato.

Read More

BFP, muling nagpaalala sa publiko na mag ingat sa pagbili ng mga Christmas lights ngayong pasko

(Kabacan, North Cotabato/ December 3, 2015) ---22 araw nalang at magpapasko na kaya naman muling nagpaalala ang Bureau of Fire Protection sa mga mamimili na mag ingat sa mga bibilhing Christmas decors para iwas sunog ngayong kapaskuhan at pagsalubong sa bagong taon.

Una ng sinabi ni DTI Provincial Director Anthony Bravo, na kailangan munang suriin at alamin ng mga mamimili ang mga standard products sa pagbili ng mga Christmas lights.

Read More

Aktibidad sa pagtatapos ng Kawayanan Festival sa bayan ng Mlang, kasado na!

(Mlang, North Cotabato/ December 3, 2015) --- Nakalatag na ang mga aktibidad sa pagtatapos ng Kawayanan Festival sa bayan ng Mlang, bukas.

Kaugnay nito, todo bantay ngayon ang pamunuan ng Mlang Municipal Police Station sa buong area ng Mlang lalo na sa entrance at exit points ng bayan.

Ang security measures ng PNP ay bahagi sa nagpapatuloy na selebrasyon ng 7th Kawayanan Festival ng bayan na magtatapos naman sa Dec. 4, biyernes.

Read More

Mga rebeldeng NPA, itinuturong responsable sa pagpatay sa isang miyembro ng CAFGU sa Makilala, North Cotabato

(Makilala, North Cotabato/ December 2, 2015) ---Patuloy ngayon ang ginagawang imbestigasyon ng Makilala PNP hinggil sa nangyaring pagbaril at pagpatay sa isang cafgu member sa Sitio Lower Luayon, brgy. Luayon, Makilala North Cotabato noong nakaraang linggo.

Sa panayam ng DXVL News kay Captain Danny Boy Tapang tagapagsalita ng 39^th IB, PA knilala ang biktima na si LITO BAYAWANON, nasa hustong gulang at residente ng Magpet, North Cotabato.

Read More

1 patay sa panibagong aksidente sa Highway ng Matalam, North Cotabato

(Matalam, North Cotabato/ December 1, 2015) ---Patay ang isang 20-anyos na drayber makaraang masangkot sa vehicular accident sa National Highway ng Matalam at Kabacan road, partikular sa harap ng Pascual Store na nasa Purok 3, Brgy. Kilada, Matalam, North Cotabato alas 9:40 kahapon ng umaga.

Kinilala ni PSI Sunny Leoncito ang biktima na si MJ Salingka Pagayao, binate, out of School youth at residente ng Purok Laguinding, Brgy. Aringay, Kabacan, Cotabato.

Read More

2 babaeng menor de edad, patay matapos malunod sa ilog sa Arakan, NCot

(Arakan, North cotabato/ December 1, 2015) ---Patay na ng matagpuan ang dalawang mga batang babae matapos na malunod sa Tinanan River, Sitio Valencia, Sto. Niño, Arakan, North Cotabato alas 10:45 kahapon ng umaga.

Ayon kay PCI Bernard Tayong, tagapagsalita ng CPPO napag-alaman na masayang naliligo at naglalaro ang dalawang bata sa nasabing ilog ng mapadako sa malalim na bahagi nito dahilan para malunod ang dalawa.

Hindi muna isinapubliko ng mga pulisya ang pagkakakilanlan ng dalawa.

Read More