(Alamada, North Cotabato/ February 24, 2014)
---Patay on the spot ang drayber ng motorsiklo habang sugatan naman ang angkas
nito makaraang masangkot ang mga ito sa nangyaring aksidente sa National
Highway, partikular sa Barangay Camansi, Alamada, North Cotabato alas 9:00 ng
umaga nitong Sabado.
Kinilala ni PCInps. Joefrey Todeño, hepe ng
Alamada PNP ang nasawi na si Eric Grejarte, residente ng Barangay Dado habang
nasa malubhang kalagayan naman ang sakay nito na di pa kinilala sa ulat na agad
na isinugod sa Alamada Provincial Community Hospital.
Ayon sa ulat, kapwa nagtamo ng pinsala ang
Honda XRM 125 at ang double tire passenger jeepney na sangkot sa vehicular
accident.
Sa ngayon, nasa kustodiya naman ng Alamada
PNP ang drayber ng double tire habang nagpapatuloy ang imbestigasyon.
(Rhoderick Beñez)
0 comments:
Mag-post ng isang Komento