Bagong Kabacan Hym, isinalang na sa unang pagbasa sa SB

(Kabacan, North Cotabato/ August 1, 2014) ---Isinalang na sa unang pagbasa ng Sangguniang Bayan ng Kabacan ang Bagong Kabacan Hymn na pinamagatang “Kabacan Kong Mahal” sa regular na session ng SB kahapon.

Mismong si USM Band Master Jun Eramis ang nag-presinta nito sa konseho at itinugtog ang mga liriko nito para masiyasat ang bawat kataga ng naturang kanta.

Pero hindi pa ito naaprubahan sa kabila ng aawitin na ng LGU Choir sa 67^th Founding Anniversary Program ang naturang hymn.

Ayon kasi kay Councilor Rhosman Mamaluba dapat ay dumaan muna sa masusing pagsisiyasat at pag-aaralan pa nila ng mabuti ang Kabacan Hymn bago ito isasapinal at maipasang opisyal ng hymn ng Kabacan ang “Kabacan Kong Mahal”.

Ang orihinal na komposisyon nito ay ginawa ni Prof. Robert Pasion, noon pa umanong taong 2006 ay may naipasa ng Kabacan Hym, pero hindi ito naipatupad na awitin sa mga programa sa Kabacan at mga Paaralan, ayon kay Councilor Herlo Guzman Sr. Rhoderick Beñez