(Cotabato City/ September 29, 2014)
---Pinagbabaril hanggang sa mapatay ang isang drayber sa bahagi ng Salamat
Street Mother Barangay Poblacion, Cotabato City dakong 2:20 ng hapon kahapon.
Kinilala ang biktimang si Menso Fermin
Pusdan 32 anyos, isang driver at residente ng Balut Sultan Mastura Maguindanao.
Ayon sa report, namataan sa nasabing lugar
mula pa kahapon ng umaga ang biktima kasama ang dalawang iba pa sakay ng
dalawang motorsiklo.
Habang nakatayo sa lugar at tila may
hinihintay, ay bigla na lamang may lumapit sa biktima na isang di pa
nakikilalang lalaki at walang kaabog abog na pinagbabaril si Pusdan.
Nagtamo ng multiple gunshot wound ang
biktima sa iba’t-ibang bahagi ng kanyang katawan na nagresulta sa agaran nitong
pagkamatay.
Mabilis namang nakatakas ang suspek patungo
sa di matukoy na direksyon habang kumaripas din naman ng takbo papalayo ang
dalawang kasamahan ng biktima.
Narekober naman sa crime scene ang pitong
basyo ng cal.45 na pistola. Inaalam naman ng mga otoridad kung ano ang motibo
sa pamamaril at ang pagkakakilanlan ng suspek. Rhoderick Beñez
0 comments:
Mag-post ng isang Komento