(Kabacan, Cotabato/ September 25, 2014) ---Kulungan
ang bagsak ng dalawang mga carnappers makaraang masakote ang mga ito sa
isinagawang hot pursuit operasyon ng mga otoridad sa bahagi ng brgy. Kilagasan,
Kabacan, Cotabato alas kahapon ng umaga.
Kinilala ni P/Supt. Jordine Maribojo, hepe
ng Kabacan PNP ang mga naaresto na sina Mongkoy Guialil Pigcualan, 19-anyos,
residente ng Aleosan, Cotabato at ang isa pang kasama nito na nakilalang si
Bayan Mantawil, 19-anyos, residente ng Pedtad, Kabacan.
Batay sa inisyal na ulat, alas 9:00 ng umaga
kahapon ng tinutukan ng baril ang dalawang suspek sa bahagi ng Bonifacio St.,
ang isang Roderick Castillo Orbillo, 35-anyos, negosyante at residente ng
nasabing lugar at pwersahang kinuha ang kanyang kuay pulang Honda Beat na may
license plate 9412 QN.
Agad namang tumakas ang mga suspek sa
direksiyong papuntang Kilagasan.
Dahil dito, agad na naglatag ng dragnet at hot pursuit
operation ang pinagsanib na elemento ng Kabacan PNP, RPSB 12, sundalo at mga
BPAT dahilan para maaresto ang dalawang mga suspek at pagkakarekober ng
nasabing sasakyan.
Sa ngayon, himas rehas ang dalawa sa Kabacan PNP lock up
cell habang inihahanda ang kasong isasampa laban sa mga ito. Rhoderick Beñez
0 comments:
Mag-post ng isang Komento