Founder ng USM, matindi ang pagpapahalaga sa edukasyon –ayon sa grand daughter

Photo credit by: William dela Torre

(USM, Kabacan, Cotabato/ October 2, 2014) ---Matindi ang pagpapahalaga sa edukasyon ng nagtatag ng Pamantasan ng Katimugang Mindanao.

Ito ang ilan sa reaksiyon ni Dr. Khaironesa Pahm  ang grand daughter ng USM founder na si Bai Hadja Matabay Plang sa panayam ng DXVL News sa isinagawang floral offering at kanduli sa marker ng founder kahapon ng umaga.

Sinabi pa nito na itinuturing nilang isang kagalang –galang na ina si Bai Hadja Matabay Plang dahil sa matinding pagpapahalaga nito sa edukasyon ng mga kabataan lalong-lalo na sa mga mahihirap ngunit deserving na mga kabataan.

Isa umano ito sa rason kung bakit tatlo ang itinatag na paaralan ni Plang, ang University of Southern Mindanao sa Kabacan, Cotabato Foundation of Science and Technology o CFCST sa Doruluman Arakan, Cotabato at ang Cotabato Foundation of Science and Technology Pikit External Campus sa Batulawan Pikit, Cotabato.

Kung hindi umano namatay si Plang noong 1984 malamang na nagging tulad na rin ng USM ang CFCST Batulawan campus, dagdag pa ni Dr. Pahm. Rhoderick Beñez & Cristine Limos