(Antipas, North Cotabato/ February 25, 2014)
---Tinangay ng di pa nakilalang mga suspek ang motorsiklo ng isang habal-habal
driver sa bayan ng Antipas sa North Cotabato kamalakawa ng gabi.
Kinilala ang biktima na si Jerwin Delos
santos Cabaluna, 28 at residente ng Barangay B Cadungon, Antipas.
Ayon sa report ni Police Inspector Felix
Fornan ang hepe ng Antipas PNP namamasada si Cabaluna at pinara siya ng
dalawang mga suspek na magpapahatid sa kasunod na Barangay pero pagdating nila
sa Barangay Malatab ay agad na nagdeklara ng hold-up ang isa sa mga suspek
sabay tutok ng baril.
Pero walang maibigay na pera ang biktima
dahilan para bumunot ng isa pang armas ang isa pang suspek at binaril ang
biktima at buti nalang ay hindi ito tinamaan at dali-dali itong tumakbo palayo
sa lugar habang ang motorsiklo ay tinangay ng mga salarin papunta sa direksyon
ng Barangay Sarayan sa bayan ng President Roxas.
Sa ngayon, nagpapatuloy ang hot pursuit
operation ng Antipas PNP para sa ikadarakip ng mga suspetsado. Rhoderick Beñez
0 comments:
Mag-post ng isang Komento