(Cotabato city/ April 20, 2015) ---Dalawang
sunod na pagsabog ang gumulantang sa Cotabato City at Datu Odin Sinsuat,
Maguindanao matapos maghagis ng granada ang dalawang di-kilalang lalaki na
lulan ng motorsiklo sa compound ng restaurant noong Sabado ng gabi.
Naganap ang unang pagsabog sa police
detachment sa Barangay Tamontaka Dos sa bayan ng Datu Odin Sinsuat dakong
alas-7 ng gabi kung saan wala namang iniulat na nasugatan.
Bandang alas-8 ng gabi niyanig naman ng
pagsabog ang bakuran ng Aling Precy Restaurant matapos itong hagisan ng granada
ng riding-in-tandem.
Nagkabasag-basag ang mga salamin ng nasabing
restaurant habang sugatan naman si Dalmacio Villa na isinugod sa Cotabato
Regional and Medical Center.
Ayon sa nagpapatrolyang driver ng military
truck ng Special Forces Battalion, namataan ang dalawang di-kilalang lalaki na
lulan ng motorsiklo sa kahabaan ng Sinsuat Avenue ang naghagis ng granada.
Tinangkang habulin ng military truck ang
motorsiklo subalit dahil sa tindi ng trapiko ay di na nila ito inabutan kung
saan hindi rin umano sila makapaputok dahil sa mga sibilyan na nasa highway.
Tumakas ang mga suspek sa direksyon ng Notre
Dame Avenue kung saan nag-iwan ng isang IED sa tapat ng detachment ng Special
Forces sa Barangay Rosary Heights 2 na hindi naman sumabog. Rhoderick Beñez
0 comments:
Mag-post ng isang Komento