Rhoderick Beñez
(Pikit,
North Cotabato/ May 6, 2015) ---Pinaniniwalaang onsehan sa droga ang isa sa
motibo kaya napatay ang dalawang kalalakihan matapos ratratin ng riding
-in-tandem assassins sa bahagi ng Barangay Tinibtiban sa bayan ng Pikit, North
Cotabato kahapon ng hapon.
Kinilala ni P/Insp. Sindato Karim, hepe ng Pikit PNP
ang dalawa na sina Romnick Cajeben at Making Oresco na kapwa nakatira sa
Barangay San Mateo sa bayan ng Aleosan.
Sa inisyal na imbestigasyon ng pulisya,
papalabas sa nasabing barangay sina Cajeben at Oresco sakay sa motorsiklo nang
pagbabarilin ng tandem.
Napuruhan sa ulo ang dalawa kung saan tinangay pa ng
gunmen ang kanilang motorsiklo.
Narekober sa crime scene ang apat na basyo ng
mga bala ng cal. 45 pistol.
0 comments:
Mag-post ng isang Komento