(North Cotabato/ January 14, 2015) ---Patay
na nang madatnan ng mga otoridad ang isang di pa nakikilalang lalaki malapit sa
Tarbong River, block 19, ND village, Barangay Rosary Heigths 8, Cotabato City
ala nuebe kinse ng umaga kahapon.
Inilarawan ni Police Station 2 commander Sr.
Ins. Reynaldo Delantin ang biktima na nasa 25-30 taong gulang, 5'5 ang height
naka suot ng t-shirt na LEE at pambaba na kulay brown at dark blue.
Sa imbestigasyon ng pulisya, nagtamo ng tama
ng bala ang biktima sa ibat ibang bahagi ng kanyang katawan dahilan ng kanyang
kamatayan.
Nabatid na dinala lamang duon sa lugar ang
biktima at pinagbabaril ng di pa kilalang suspek.
Sinabi ni Delantin, posibleng hindi taga
Cotabato City ang naturang biktima dahil hanggang sa ngayon ay wala pa ring
nakakakilala sa lalaki.
Sa ngayon nasa Villa Funeral Homes pa ang
bangkay ng biktima habang patuloy na iniimbestigahan ng mga otoridad ang
nasabing insidente. DXVL News
0 comments:
Mag-post ng isang Komento