(Kabacan, North Cotabato/ April 6, 2015) ---Napatay
ang dalawang pasahero ng van matapos tambangan ng mga di-kilalang kalalakihan
sa bahagi ng Barangay Limbo sa bayan ng Sultan Kudarat, Maguindanao kahapon ng
umaga.
Kinilala ni P/Senior Insp. Esmael Madin, hepe ng Sultan Kudarat PNP ang
mga biktima na sina Melo Florentino Zail, 57, ng Tacurong City; at Jane Erye
Vicelles, 30, nakatira sa bayan ng Lebak, Sultan Kudarat.
Sa police report,
lumitaw na lulan ng pampasaherong van ang mga biktima patungong Cotabato City
mula sa Davao City nang pagbabarilin ng mga di-kilalang lalaki pagsapit sa
nabanggit na barangay bandang alas-9 ng umaga.
Nagawa pang maisugod sa Cotabato
Regional and Medical Center subalit idineklarang patay ang dalawa. Rhoderick Beñez
0 comments:
Mag-post ng isang Komento