Test fire ng Biogas Facility sa USM PCC sa bayan ng Kabacan, isinagawa

(USM, Kabacan, North Cotabato/ April 7, 2015) ---Naging matagumpay ang isinagawang test fire sa Biogas Facility sa University of Southern Mindanao Philippine Carabao Center USM-PCC kahapon.

Ayon kay USM PCC Director Benjamin Basilio sa panayam ng DXVL News, malaking tulong umano ang 10 Cubic meter na biogas digester na kung saan ay makakatulong ito upang ma-convert sa methane gas ang mga element na mula sa dumi ng kalabaw na kung saan ay magagamit din nila sa pag-proseso ng kanilang mga produkto galing sa gatas ng kalabaw.

Anya, bukod sa malaking tulong ang makukuhang methane gas mula sa dumi ng kalabaw ay makakatulong din ang nasabing bio-gas facility sa pagprotekta sa ating ozone layer sapagkat hindi na maglalabas pa ng Carbon Dioxide ang nasabing dumi at kapag nakuha na mula dito ang methane gas ay maari namang gamiting pataba sa mga damu ang naiwang residue.

Dagdag pa ng opisyal na katuwang nila sa nasabing proyekto Department of Energy Mindanao, LGU Kabacan sa pangunguna ni Mayor Herlo Guzman Jr. USM Affiliated Renewable Energy Center na pinangungunahan naman ni Engr. Arnulfo Ocreto.

Samantala, inihayag din ng opisyal na ang USM PCC ay mamahagi ng 21 Italian Buffalo na unang uri ng kalabaw na maipapamahagi sa Mindanao na ipapamahagi naman sa Davao del Norte ngayong buwan.

Ang USM PCC ay nagbebenta ng mga produktong mula sa gatas ng Kalabaw kagaya ng Ice Cream na may ibat ibat flavors, Choco Milk, Lacto Juice na nasa sachet, Bottled Choco at Bottled Fresh Milk at marami pang iba. Mark Anthony Pispis