(Matalam, North Cotabato/ April 6, 2015) ---Kulungan
ang bagsak ng dalawa kataong nahulihan ng illegal na droga sa Purok Krislam,
Poblacion, Matalam, Cotabato pasado alas 10:00 ng gabi nitong Biyernes Santo.
Sa report ni SPO1 Froilan Gravidez ng
Matalam PNP kinilala ang mga naaresto na sina Michael Boliver, 39-anyos
residente ng Purok Anthurium, Poblacion at Loreto Reyes, 28-anyos, residente ng
Brgy. Dalapitan kapwa buhat sa bayan ng Matalam.
Narekober sa posisyon ng mga suspek ang 2
small heat sealed plastic na naglalaman ng shabu at ilan pang mga drug
paraphernalia’s at isang Honda XRM 125 na kulay pula at itim na walang plate
number.
Sa ngayon, inihahanda na ng Matalam PNP ang
kasong isasampa laban sa mga suspek.
Samantala, arestado din ang isang lalaki na
wanted sa batas.
Kinilala ang suspek na si Ninfa Tuala,
37-anyos, may asawa at residente ng Sitio New Leon, Brgy. Latagan, Matalam,
Cotabato.
Nahuli ang suspek sa mismong bahay nito sa
bisa ng warrant of arrest na inisyu ni Jon. Jose Tabosares, Acting Judge ng 2nd
Municipal Circuit Trial Court, Mlang na may petsang March 11, 2015.
Ang suspek ay nahaharap sa kasong adultery
na may case number 5645 sa ilalaim ng Article 333. Rhoderick Beñez
0 comments:
Mag-post ng isang Komento