(Matalam, North Cotabato/ April 28, 2014)
---Tinangay ng di pa nakilalang suspek ang motorsiklo ng dalawang mga panadero
sa Poblacion ng Matalam, North Cotabato kamakalawa ng gabi.
Sa report ni SPO1 Froilan Gravidez ng
Matalam PNP kinilala ang dalawang mga biktima na sina Chito Ilan, 24 residente
ng brgy. Tibao, Mlang at Jerry Rivera, nasa tamang edad at residente ng Kidama
bayan ng Matalam.
Batay sa report, hinarangan umano ang dalawa
sa hangganan ng brgy. Kidama at Poblacion
ng Matalam habang sakay sa Motorstar 110 motorcycle nito.
Nang huminto ang mga biktima, tinutukan ng
baril ang mga ito at pwersahang kinuha ng suspek ang cellphone at cash na
nagkakahalaga ng P1,500 ni Rivera.
Maliban dito, tinangay pa ng suspek ang
nasabing motorsiklo na may plakang 8353 SE.
Mabilis na tumakas ang suspek tangay ang
motorsiklo, pera at cell phone ng biktima sa di malamang direksiyon.
Sa ngayon, nagpapatuloy pa ang ginagawang
imbestigasyon ng Matalam PNP. Rhoderick
Beñez
0 comments:
Mag-post ng isang Komento