Wanted person, huli ng Matalam PNP

(Matalam, North Cotabato/February 24, 2012) ---Nahuli kamakailan ang isang wanted person na si NORMAN PACIA ESELLER alias Palito, Norman Robles at Reman Robles, 49 anyos, magsasaka at residente ng Purok 5, Brgy. Lower Malamote, Matalam Cotabato ng Matalam PNP sa pangunguna ni

SPO4 Gregorio Navasquez Jr. kasama sina PO3 Josue Pido at PO3 Ricardo Sensis noong nakaraang biyernes Pebrero 17 taong kasalukuyan.

Batay sa report ng Matalam PNP, hinuli si Eseller dahil sa inihaing Warrant of arrest ni Hon. Judge Alexander Betoya, Presiding Judge ng RTC branch 16 dahil sa kaso nitong illegal Possession of Firearms and Explosives at isa pang warrant of arrest dahil sa kaso nitong pagpatay. 

Nahuli si Eseller sa Sitio Inigaran, Brgy. Malamote, Matalam, Cotabato.

Sa ngayon, nakakulong sa Cotabato Provincial Jail si Eseller at hinaharap pa rin ang mga kaso nito.