(Matalam, North Cotabato/ November 18, 2015)
---Sugatan ang isang obrero ng Quarry site makaraang sumabog ang granada sa
isang bisinidad ng Brgy. Marbel, Matalam, North Cotabato kagabi.
Ayon kay Police Chief
Inspector Sunny Rubas Leoncito, Hepe ng Matalam PNP kinilala ang biktima na si
Jeffrey Mamasalido Sawal, trabahante ng quarry site.
Batay sa ulat, nasira din
ang parte ng isang unit ng Hitachi backhoe na pag mamay ari ni Dats Ambel na
residente ng nasabing lugar.
Ayon kay PCI Leoncito, ang biktima ay natutulog sa tabi ng backhoe ng
sumabog ang granada sa tabi nito dahilan ng pagkakaroon niya ng tama sa noo.
Narekober sa pinangyarihan ng insidente ang
ilang mga safety lever at fragments buhat sa sumabog na granada.
Ayon sa pulisya posibleng away sa negosyo ang isa sa mga anggulong
sinusundan nila sa nasabing kremin. Zhaira
Sinolinding
0 comments:
Mag-post ng isang Komento