(Matalam, North Cotabato/ November 17, 2015)
---Sugatan ang isang empleyado ng Cotabato Sugar Central Corporation (Cosuseco)
matapos ang isa na namang insidente ng pamamaril ang naganap sa Matalam-Antipas
road, Purok Bato, Brgy. Marbel, Matalam, North Cotabato alas 7:20 kahapon ng
umaga.
Sa report na nakarating kay PCI Sunny
Leoncito, hepe ng Matalam PNP kinilala nito ang biktima na si Ronald Ocampo
Aglutay, 28-anyos, may asawa at residente ng Purok Mabuhay ng nasabing
barangay.
Batay sa ulat, sakay ang biktima sa isang
Honda 110 motorcycle na may license plate MQ 5013 na minamaneho ng kanyang
pinsan na si Angelito Aglutay, 35-anyos, kawani din ng nasabing kumpanya at
pagdating sa lugar ay pinagbabaril ng mga di pa nakilalang mga suspek.
Ang insidente kungsaan nangyari ang
pamamaril ay di kalayuan sa detachment ng Bravo company ng 38th IB,
PA.
Nagtamo ng tama ng bala ang biktima sa
kanyang kaliwang braso na mabilis namang isinugod sa Babol Hospital para
mabigyan ng medikal na atensiyon.
Patuloy pa ngayon ang ginawang imbestigasyon
ng mga kapulisan sa nasbaing insidente. Rhoderick
Beñez
0 comments:
Mag-post ng isang Komento