(Maguindanao/ April 26, 2015) ---Patay ang
isang school principal makaraang pagbabarilin ng di pa nakilalang suspek sa
harap ng kanyang tahanan sa bayan ng Datu Piang, Maguindanao alas 6:40 kagabi.
Sa impormasyong nakarating kay Maguindanao
PNP Provincial Director S/Supt. Nickson Muksan kinilala ang biktima na si Tinto
Tilas, principal ng Olandang National High School sa Brgy. Olandang Midsayap,
North Cotabato.
Ang biktima ay nagtamo ng tama ng bala sa
ulo, dibdib at likod.
Batay sa inisyal na pagsisiyasat nakatayo
lamang ang biktima sa harap ng kanyang tahanan sa nabanggit na lugar nang
biglang lapitan ng dalawang hindi kilalang suspek at pinagbabaril gamit ang
kalibre .45 na pistola.
Matapos na maisakatuparan ang masamang
balakin ay agad na tumalilis ang mga suspek sa isang liblib na lugar sa Datu
Piang.
Wala pang malinaw na motibo sa nasabing
insidente ang mga otoridad. Rhoderick
Beñez
0 comments:
Mag-post ng isang Komento