(Matalam, North Cotabato/ July 23, 2014) ---Arestado
ng pinagsanib ng pwersa ng Matalam PNP at ng Davao City Police Station 9 ang
isang wanted sa kasong frustrated murder habang nagtatago ito sa Block 34, Lot
56, Phase 9B, Deca Homes Subd., Brgy. Tacunan, Tugbok District, Davao City kamakalawa.
Sa report ni SPO1 Froilan Gravidez ng
Matalam PNP kinilala ang suspek na si Johill Hechanova, 38-anyos, may asawa at
residente ng Purok Yellow Bell, Brgy. Poblacion, Matalam, Cotabato.
Ang suspek ay may warrant of arrest dahil sa
kaso nitong frustrated murder na may criminal case number 14-77 na iginawad sa
sala ni Judge Alandrex Betoya, Presiding Judge ng RTC Branch 16, Kabacan.
Napag-alaman na ang suspek ay matagal na
umanong nagtatago sa bahay ng kanyang pinsan sa Davao City matapos ang naturang
insidente.
Sa ngayon nasa kustodiya nang Matalam PNP
ang suspek habang hinihintay na lamang ang commitment order para sa kanya. Rhoderick Beñez
0 comments:
Mag-post ng isang Komento