(Kabacan, North Cotabato/ January 27, 2014)
---Kalabuso ngayon sa Kabacan lock-up cell ang pinaniniwalaang tulak droga
matapos na masakote ng mga otoridad sa isinagawang buybust sa Purok Krislam,
Poblacion, Kabacan, Cotabato ala 1:15 kahapon ng hapon.
Kinilala ni Supt. Jordine Maribojo, hepe ng
Kabacan PNP ang suspek na si Nasser Gonsang Alias Nasser, 37-anyos, kasado at
residente ng Mapanao Extension ng bayang ito.
Narekober mula sa posisyon ng suspek ang 2
piraso ng plastic heat sealed sachet na naglalaman ng white crystalline
substance na methamphetamine hydrochloride o mas kilala sa tawag na shabu at
P500 na marked money.
Naaresto si Nasser sa isinagawang joint
operation ng element ng Cotabato Provincial Police Intelligence Branch,
Kidapawan City PNP at ng Kabacan MPS.
Sa ngayon, inihahanda na ng mga kapulisan
ang kasong kakaharapin ng suspek na paglabag sa RA 9165 o Comprehensive
Dangerous Drugs Act of 2002. Rhoderick
Beñez
0 comments:
Mag-post ng isang Komento