(Pikit, North Cotabato/ January 29, 2014)
---Umaabot na sa 895 na mga pamilya ang ngayon ay nananatili pa rin sa pitong
mga evacuation center sa Pikit, North Cotabato matapos na nagsilikas ang mga
ito dala ng sagupaan ng Bangsamoro Islamic Freedom Fighters o BIFF at Militar
sa boundary ng Maguindanao at North Cotabato.
Sa panayam ng DXVL News kay Pikit Municipal Disaster Risk
Reduction Officer Tahira Kalantongan ang nasabing bilang ay batay sa
pinakahuling data na nakuha nila kahapon.
Sinabi ni Kalantongan na patuloy ang
kanilang validation sa nasabing bilang ng pamilyang naapektuhan para sa ibibigay
na relief packs at ilan pang ayuda na ipapamahagi ngayong araw ng LGU Pikit at
ng Provincial Government ng North Cotabato.
Ang mga pamilyang nagsilikas ay buhat sa
Barangay Gli-gli, Sitio Balidet ng Barangay Bulol, Madrasah ng Mabual, Balong
House base at Bulod.
Sa ngayon ang mga ito ay pansamantalang
nanunuluyan sa KAbasalan Evacuation center habang ang iba naman ay nakitira
pansamantala sa kanilang kamag-anak. Rhoderick Beñez
0 comments:
Mag-post ng isang Komento