7 mga indibidwal at 1 kooperatiba mula sa Cotabato wagi sa Gawad-Saka Award 2014 Regional Level

Written by: Jimmy Sta. Cruz

AMAS, Kidapawan City (June 7, 2014) – Pitong mga indibidwal na kinabibilangan ng agricultural entrepreneur, high value crop farmer, sugarcane farmer small animal raiser at agricultural scientist at isang kooperatiba ang namayagpag sa awarding ng Dept. of Agriculture Gawad Saka Award 2014 regional level na ginanap sa Koronadal City noong May 30, 2014.

Ang mga pinarangalan bilang winners ng Gawad Saka Award 2014 regional level ay sina Jerry John M. Taray ng Kibudtungan, Carmen,bilang Outstanding Agricultural Entreprenuer – small scale category), Ella D. Pobre ng Lower Dado, Alamada – Outstanding High Value Crop farmer, Girlie C. Adug ng Marbel, Matalam – Outstanding Sugarcane farmer, Jayson Roy P. Ancheta ng Kibudok, Matalam- Outstanding Young farmer, Paquito A. Laquihon ng New Panay Aleosan – Outstanding Animal Raiser at Ariston D. Calvo, Ph,D. ng Cotabato Foundation College of Science and Technology (CFCST Arakan) – bilang Oustanding Agricultural Scientist.

Wagi rin ang Don Bosco Multi-Purpose Cooperative – Bios Dynamis ng M’lang Cotabato bilang Outstanding Organic farmers organization.

Ayon kay Office of the Provincial Agriculturist Engr. Elly Mangliwan, ipinakita ng naturang mga magsasaka ang kanilang husay at mga best practices sa larangan ng agrikultura na nagpaangat sa kanilang kabuhayan at komunidad.

Matapos namang magwagi sa regional level ay pasok na raw ang mga outstanding farmers ng Cotabato sa national level ng Gawad Saka awards na gaganapin sa Metro Manila ngayongn buwan ng Hunyo.

Ang Gawad Saka Awards ng DA ay taunang ginagawa upang bigyan ng recognition ang mga mahuhusay o outstanding farmers sa bansa at ito ay may tatlong levels - ang provincial, regional at national.

Tumanggap ng mga certificates, trophies at iba pang incentives ang mga nagwagi mula sa Cotabato province.

Malaki naman ang pag-asa na makakasungkit ng national awards ang mga outstanding farmers ng Cotabato, ayon pa kay Engr. Mangliwan.

Ito ay dahil sa galing at husay ng output at products ng mga magsasaka tulad na lamang ng Tree Life Coco Sugar ni Jerry Taray at black rice naman ng Don Bosco Bios Dynamis.  

Ang mga naturang produkto ay pinarangalan na ng mga international award giving bodies sa Europa at itinampok rin sa Biofach Organic Foods Trade Fair na ginanap sa Nuremberg, Germany noong Pebrero, 2014. (JIMMY STA. CRUZ/PGO Media Center)