Sapilitang pag-papainum ng mga sundalo sa 7-anyos na bata sa Arakan, itinanggi

(Arakan, North Cotabato/ June 3, 2014) ---Pinabulaanan ng 57^th IB, Philippine Army ang umano’y akusasyon ng grupo ng Karapatan North Cotabato hinggil sa diumano’y pag-papainom ng alak ng mga sundalo sa 7 taong gulang na bata na taga Datu Ladayun, Arakan, North Cotabato.

Ito ang ipinahayag ni Captain Manuel Gatuz ng 57^th Infantry Battalion, Philippine Army sa magkahiwalay na panayam ng DXVL News.

Ang akusasyon ay ibinato ni North Cotabato Karapatan Secretary Jay Apiag sa hanay ng mga sundalo batay sa kanilang ginawang pag-interbyu sa bata.

Ayon kay Apiag, inalok umano ng mga sundalo na nag-iinuman sa isang tindahan ng dalawang beses ang bata dahilan kung bakit na lasing ito ng umuwi sa kanilang bahay.

Samantala, itinanggi naman ni 57^th IB Manuel Gatuz, ang akusasyon ito.

Aniya bago paman nangyari ang insedente ay nanggaling na ang nasabing menor de edad sa isang tindahan na maka-inum na ito ng tuba, isang inuming nakakalasing na mula sa Niyog.

Hinamon din ng opisyal ang nag-aakusa na kausapin ang may ari ng tindahan para mapatunayan ang nasbaing alegasyon.

Naniniwala kasi si Gatuz na hindi dapat ginagawa ito sa bata bagkus ay dapat na turuan ng magandang asal at dapat ay nasa bahay na kung hapon. Rhoderick Beñez