(Kabacan, North Cotabato/ June 2, 2014) ---Dumulog
sa himpilan ng Kabacan PNP ang isang 29-anyos na babae makaraang tangayin ng di
pa nakilalang suspek ang motorsiklo nito sa bahagi ng brgy. Osias, Kabacan,
Cotabato pasado alas 7:00 kamakalawa ng gabi.
Kinilala ni Supt. Jordine Maribojo, Chief of
Police ng Kabacan PNP ang biktima na si Shiena Reniedo, 29-anyos, dalaga at
residente ng Sinamar II ng bayang ito.
Ayon kay Maribojo minamaneho ng biktima ang
Suzuki pink na for registration na single motor nito patungo sa isang resort sa
nasabing bayan ng siya ay sabayan ng di
pa nakikilalang suspek.
Tinutukan ng baril ang biktima at pilit
kinuha ang motorsiklo nito at tumakas papunta sa di malamang direksyon tangay
ang nasabing sasakyan.
Sa ngayon patuloy pa rin ang imbistigasyon
ng mga pulis sa nasabing insedente. Rhoderick
Beñez with report from USM Devcom Intern Zhaira Sinolinding
0 comments:
Mag-post ng isang Komento