(Kabacan, North Cotabato/ June 2, 2014) ---Nakalatag
na ang seguridad na ipinapatupad ngayon ng Kabacan PNP sa iba’t-ibang mga
paaralan sa unang araw ng pasukan.
Ito ang tiniyak ni Supt. Jordine Maribojo,
hepe ng Kabacan PNP kasabay ng pagdedeploy niya ng kanyang mga tauhan, kasama
na ang militar at mga Barangay Peace Keeping Action team para sa augmentation
sa lahat ng mga paaralan sa bayan.
Maaga pa kanina ay may mga naka-roving
patrol teams na rin na naglilibot partikular na sa mga pampublikong paaralan
kasama sa mga pinabantayan ay ang Kabacan Pilot Central Elementary School, isa
sa pinakamalaking pampublikong paraalan sa bayan, Kabacan National High School
at ilan pang mga pribadong paaralan.
Samantala, todo rin ang ginagawang
paghihigpit sa seguridad sa loob ng University of Southern Mindanao na
ipinapatupad ngayon ng USM Security force.
Inaasahan na rin ang pagdagsa ng mga
libu-libong estudyate sa unang araw ng pasukan sa Pamantasan. Rhoderick Beñez
0 comments:
Mag-post ng isang Komento