(Carmen, North Cotabato/ April 2, 2014) ---Agaw
motorsiklo ang isa sa mga anggulong sinusundan ng mga otoridad sa pagpaslang sa
isang magsasaka ng mga di pa nakilalang suspek sa barangay Nasapian, Carmen,
North Cotabato alas 9:30 ng umaga kamakalawa.
Kinilala ni Supt. Franklin Anito, hepe ng
Carmen PNP ang biktima na si Obet Amozon, nasa tamang edad at residente ng
Poblacion ng bayang ito.
Nagtamo ng tama ng bala ang biktima sa mukha
na naging dahilan ng agaran nitong kamatayan.
Matapos barilin ang biktima ay agad na
tinangay ang kanyang XRM 125 motorcycle ng mga suspek.
Mabilis na tumakas ang mga salarin dala ang
nasabing sasakyan sa di malamang direksiyon.
Agaw motorsiklo ang isa sa mga anggulong
sinusundan ng mga otoridad. Rhoderick
Beñez
0 comments:
Mag-post ng isang Komento