(Matalam, North Cotabato/ April 2, 2014) ---Binawian
ng buhay habang ginagamot sa ospital ang isang 52-anyos na ginang habang sugatan ang dalawa pa sa nangyaring banggan
ng dalawang sasakyan sa harap ng Cotelco Main Office sa Manubuan, Matalam, Cotabato
alas 3:05 kahapon ng hapon.
Sa report ni SPO1 Froilan Gravidez ng
Matalam PNP kinilala ang biktima na si Mildred Cacananta, may asawa at
residente ng nasabuing bayan.
Sugatan naman ang kasama nitong pasahero na
si Dagko Alilaya residente ng Brgy. Magatos, Kabacan na ngayon ay patuloy na
nagpapagaling sa Kidapawan Medical Specialist.
Habang naka-confine naman ang drayber ng
motorsiklo sa Kabacan Medical Specialist.
Sangkot sa nasabing aksidente ang isang
Mitsubishi Adventure na may license plate ITF 406 na minamaneho ni Abdullah
Baruba na residente ng Marawi City.
At isang tricycle na Badjah na may license
plate 6046 YL.
Batay sa inisyal na pagsisiyasat tinatahak
ng nasabing sasakyan ang kahabaan ng National Highway galing Kidapawan City at
pagdating sa nasabing lugar ay aksidenteng nabangga nito ang tumawid na
tricycle.
Dahil sa lakas ng impact, sugatan ang
dalawang pasahero ng tricycle at ang drayber pero binawian ng buhay habang
ginagamot sa ospital Cacananta.
Sumuko naman ang drayber ng Mitsubishi sa
Kabacan PNP kahapon at patuloy na iniimbestigahan ngayon ng Matalam PNP ang
nasabing insedente. Rhoderick Beñez
0 comments:
Mag-post ng isang Komento