Written by: Rhoderick Beñez
Dead on arrival sa Hospital ang isang limang taong gulang na bata habang sugatan naman ang isa pang kasama nito makaraang pagbabarilin ng mga di pa nakilalang mga salarin sa may Brgy. Batulawan, Pikit, North Cotabato dakong alas 7:40 kagabi.
Kinilala ng Pikit PNP ang minor de edad na namatay na si Amin Abdullah habang ang sugatan naman si Malaydan Sangkupan, 42 at may asawa kapwa residente ng nabanggit na lugar.
Ayon sa report, pinagbabaril umano ang mga ito ng mga di pa nakilalang mga salarin gamit ang M16 armalite rifle.
Mabilis namang isinugod ang mga ito sa Cruzado Medical Hospital para malapatan ng pangunang lunas subalit ideneklara namang dead on arrival ng mga attending physician ang bata.
Habang patuloy naming nagpapagaling sa ospital si Sangkupan.
Agad naming nagsagawa ng hot pursuit operation ang Pikit PNP kasama ang 7IB na pinangunahan ni Lt Peralta para sa ikadarakip ng suspek.
0 comments:
Mag-post ng isang Komento