(KAbacan, Cotabato/ September 3, 2014) ---Bumagsak
sa kamay ng mga otoridad ang dalawang mga pinaniniwalaang carnappers makaraang
maaresto sa isinagwang mobile checkpoint sa bisinidad ng brgy. Lower Paatan,
Kabacan, Cotabato alas 12:00 ng tanghali kahapon.
Kinilala ni Supt. Jordine Maribojo, hepe ng
Kabacan PNP ang mga naaresto na sina Dany Bansilan Alias Mustafa Macalnas, nasa
tamang edad at residente ng Pagagawan, Datu Montawal, Maguindanao habang
kinilala naman ang isa pang kasama nito na si Faisal Sambutol Bansilan,
residente ng Plang Village, USM Compound, Poblacion, Kabacan.
Batay sa ulat, habang nagsasagawa ng
pagpapatrol ang pinagsanib na pwersa ng kapulisan at mga elemento ng militar at
Barangay Peace Keeping Action Team o BPAT sa ilalim ng superbisyon ni PInsp.
Romel Hitalia kanilang pinara ang kulay pulang Honda motorcycle wave lulan ng
dalawa katao.
Habang nagsasagawa ng inspeksiyon ang mga
kapulisan, biglang bumunot ng baril ang drayber na si Macalnas at nagpaputok
ito dahilan para gumanti rin ng putok ang mga elemento ng kapulisan kaya
natamaan ang suspek, liban pa sa pagkaka-aresto ng isa pa nitong angkas na si
Faisal.
Narekober mula sa posisyon ng dalawang mga
suspek ang kalibre .45 n pistol, M1911 na sinasabing pag-mamay-ari ng US Army
batay sa serial number, isang piraso ng magazine ng kalibre .45 at mga bala..
Nakuha din sa U-box ng motor ang isang
granada.
Agad naman itong tinurn-over sa EOD team
para sa tamang pagkaka-ingat ng nasabing eksplosibo. Agad namang dinala ang
sugatang suspek sa bahay pagamutan para mabigyan ng medikal na atensiyon habang
kalaboso naman sa Kabacan PNP lock up cell ang isa pang suspek na naaresto.
Napag-alaman pa na ang mga suspek ay
posibleng may kinalaman sa ilang mga nakawan ng motorsiklo at ilang mga krimen
sa bayan makaraang ituro ng ilang mga saksi na ang dalawang mga nahuli ay mga
salarin sa nagdaang mga krimen sa bayan.
Sa ngayon, inihahanda na ang karapatang
kasong isasampa laban sa dalawang mga suspek, ayon pa Maribojo. Rhoderick Beñez
0 comments:
Mag-post ng isang Komento