(Matalam, North Cotabato/June 10, 2014) ---Sa
ospital ang bagsak ng isang 33-anyos na lalaki makaraang barilin ng kanyang
kaalitan sa Purok Krislam, Poblacion, Matalam, Cotabato alas 8:10 kahapon ng
umaga.
Sa report na ipinarating sa DXVL News ni
SPO1 Froilan Gravidez ng Matalam PNP kinilala ang biktima na si Jonathan
Sansaluna Salipada, may asawa at residente ng Brgy. Kilada ng nasabing bayan.
Habang nakilala naman ang suspek na si
Guintawan Salido residente din ng nasabing brgy.
Batay sa inisyal na pagsisiyasat ng mga
kapulisan nagtalo umano ang dalawa hanggang sa nagka-initan at humantong sa
nasabing pamamaril.
Nagtamo ng tama ng bala ang biktima sa
kanyang pigi dahilan para isugod sa Babol General Hospital at sa kalaunan ay
inilipat ng kanyang pamilya sa Cotabato Provincial Hospital.
Narekober sa crime scene ang tatlong bala ng
kalibre .45 na pistol at isang bala din ng kalibre .30.
Agad namang tumakas ang suspek matapos ang
insedente.
Sa ngayon nagpapatuloy pa ang ginagawang
imbestigasyon ng Matalam PNP at hot pursuit operation para sa ikaaresto ng
suspek. Rhoderick Beñez
0 comments:
Mag-post ng isang Komento