Written
by: Malu Cadaleña Manar
(Kidapawan City/ June 12, 2014) ---Hindi na
ililibre sa security check sa tuwing may highway inspection ang mga green
multi-cab na donated ng Cotabato Provincial Government sa mga munisipyo at
barangay.
Ito ang isa sa mga resolusyon na ipinasa ng
Cotabato Provincial Peace and Order Council o PPOC sa kanilang miting sa
capitol rooftop sa Amas complex, kahapon.
Nabatid na ilan sa mga green multi-cab ng provincial
government ay ginagamit sa drug trade at iba pang illegal na Gawain.
Katunayan, ilan na ring mga opisyal ng
barangay sa bayan ng Midsayap ang kinasuhan matapos mapatunayan na ginamit ang
sasakyan sa paghahatid ng shabu, ayon mismo kay Cotabato Governor Lala Mendoza.
Iniulat rin ni Col. Nilo Vinluan, ang
commander ng 57th IB, ang paggamit ng green multi-cab para ihatid sa kanyang
huling hantungan ang rebelde’ng si Ronald Arnado o Commander Revo sa Barangay
Sto. Nino sa bayan ng Arakan.
Ayon kay Mendoza, may inatasan na siya’ng
tao para magsagawa ng imbestigasyon sa kaso’ng ito.
Mariing sinabi ni Mendoza na bawal gamitin
sa anumang illegal na Gawain ang mga red plate multi-cab.
At hindi lamang mga green multi-cab na may
red plate ang isasailalim sa matinding security check.
Maging ang mga red plate vehicles na inisyu
sa mga mayor sa mga bayan ng North Cotabato at sa mga local government units ay
hindi rin malilibre sa highway inspection.
Mismong si Kidapawan City Mayor Joseph
Evangelista ang nagpanukala nito na sinang-ayunan naman ng PPOC.
0 comments:
Mag-post ng isang Komento