(Makilala, North Cotabato/ November 4, 2013)
---Sugatan ang empleyado ng Pamahalaang Lokal ng Makilala makaraang barilin sa loob
ng Pamilihang bayan ng Makilala, alas 10:20 kamakalawa ng gabi.
Kinilala ang biktima na si Abundio
Lora Rosales, 26-anyos, may-asawa at residente ng nabanggit na lugar.
Batay sa inisyal na pagsisiyasat, nag-iinspeksiyon ang biktima sa loob ng palengke ng barilin ng di pa nakilalang suspek,
gamit ang kalibre .45 na pistol.
Nagtamo ng sugat ang biktima sa siko at
mabilis na isinugod sa isang bahay pagamutan para mabigyan ng medikal na atensiyon.
Lulan umano ang mga suspek sa isang kulay
pulang XRM na walang plaka.
Patuloy pa ngayon ang ginagawang imbestigasyon
ng mga otoridad para malaman ang motibo sa pamamaril.
Kaugnay nito, maliban sa nabanggit, naging
maayos naman sa kabuuan ang UNDAS 2013 sa bayan ng Makilala at buong probinsiya
ng North Cotabato. Rhoderick Beñez
0 comments:
Mag-post ng isang Komento