(Carmen, North Cotabato/ May 14,
2015) ---Patay ang isang sundalo makaraang pagbabarilin ng riding tandem
assassins sa hangganan ng Brgy. Kibayao, Carmen, North Cotabato at Brgy.
Kilangan, Pagalungan, Maguindanao alas 7:30 kaninang umaga.
Sa panayam ng DXVL News kay PSI
Julius Malcontento, OIC-hepe ng Carmen PNP kinilala nito ang biktima na si Cpl.
Nestor Limbaga ng 37th Infantry Battalion sa ilalim ng 6th Division ng Hukbong
Sandatahang Lakas ng Pilipinas.
Sakay ang biktima sa kanyang XRM na
motorsiklo ng pagbabarilin ng suspek sa ulo.
Agad namang tinangay ng mga salarin
ang motorsiklo nito ay tumakas sa di malamang direksiyon.
Malaki ang paniniwala ng mga otoridad
na carnapping ang motibo sa nasabing krimen.
Blanko pa ngayon ang mga otoridad
kung sinu ang suspek at anung grupo ang responsable sa nasabing krimen.
0 comments:
Mag-post ng isang Komento