by: Rhoderick Beñez
(Kabacan, North
Cotabato/ May 13, 2015) ---Ilulunsad ngayong araw ng Department of Education Cotabato
Division ang Brigada Eskwela 2015 sa Katipunan Elementary School sa bayan ng
Arakan, North Cotabato.
Ito ayon kay Schools
Division Supt. Omar Obas sa panayam sa kanya ng DXVL News.
Maliban dito,
gaganapin naman sa bayan ng Tulunan, particular sa Minapan Elementary School
ang paglulunsad ng Regional Level ng Brigada Eskwela 2015 sa araw ng Lunes,
Mayo a-18.
Ang Brigada Eskwela
ay isinasagawa sa lahat ng mga pampublikong paaralan tuwing buwan ng Mayo o
dalawang linggo bago magsimula ang klase.
Ito ay boluntaryong
pagsasa-ayos ng mga sirang kasangkapan sa paaralan kasama na ang paglilinis dito,
dagdag pa ng opisyal.
Panawagan naman ni
Obas sa lahat ng sector ng lipunan lalo sa mga magulang na makiisa sa gagawing
Brigada Eskwela 2015 sa lalawigan ng North Cotabato.
0 comments:
Mag-post ng isang Komento