Provincial Government ng Cotabato, magbibigay ng incentives sa mga manlalarong namumukod tangi sa Palarong Pambansa

By: Mark Anthony Pispis

Photo by: Benjie Caballero

(Amas, Kidapawan city/ May 12, 2015) ---Makakatanggap ng incentives mula sa Provincial Government of North Cotabato ang mga atletang may na-panalunang medalya sa kakatapos lamang na Palarong Pambansa na ginanap sa Tagum City, sa lalawigan ng Davao del Norte.

Ito ang inihayag ni North Cotabato Schools Division Superintendent Omar Obas sa panayam ng DXVL News.

Anya, sa kabuuang resulta ng nasabing aktibidad ay nakuha ng Region 12 ang pang walong pwesto.

Ang North Cotabato na isa sa mga representante ng rehiyon dose ay nakakuha ng 5 gold medals, mula sa larong Taekwondo at Table Tennis, 9 na silver medals mula sa ibat-ibang mga laro, at 13 mga bronze medals mula sa larong Softball, Taekwondo at Table Tennis.

Dagdag pa ng opisyal na 49 sa mga manlalaro mula rehiyom dose ang mula sa lalawigan.

Inihayag din ng opisyal na nasa makakatanggap ng tig P10,000 ang mga atletang nakakuha ng mga gold medals, tig P8,000 naman sa mga manlalaro mula sa probinsiya na nakakuha ng silver medals, at tig P5,000 naman sa mga atletang nakakuha ng mga bronze medals.

Binigyang diin ng opisyal, na handog ito ng mahal na gobernadora Lala Taliño Mendoza sa mga atletang mula sa lalawigan na nagpamalas ng angking galing sa Palarong Pambansa.

Patunay umano ito na ang probinsiya ay hindi nagpapahuli sa larangan ng Sports.