By: Rhoderick Beñez
(Kabacan, North Cotabato/ May 11, 2015) ---Tinangay
ng di pa nakilalang suspek ang isang
motorsiklo sa panibagong carnap incident sa bahagi ng brgy. Kayaga papuntang
Brgy. Magatos, Kabacan, Cotabato alas 3:30 kahapon ng hapon.
Sa ulat na ipinarating ngayong umaga sa DXVL News Radyo ng Bayan ni PI Arvin
John Cambang ng Kabacan PNP kinilala nito ang biktimang drayber na si Siban
Pinter Makalampao, 20-anyos, residente ng Brgy. Bood, Pikit, Cotabato.
Batay sa ulat, pinakyaw umano ng suspek ang
biktima upang magpahatid sa brgy. Magatos. Pero pagdating nasabing lugar ay
kanyang pwersahang kinuha ang motor ng biktima.
Matapos na sinapak ng suspek si Makalampao
sa ulo ng dalawang beses, gamit ang isang martilyo.
Walang nagawa ang biktima kundi ibigay ang
kanyang motorsiklo.
Mabilis namang tumakas ang suspek sa direksiyong
papunta ng Brgy. Magatos.
Agad namang nagkasa ng dragnet operation ang
Kabacan PNP pero bigo silang mahuli ang suspek.
0 comments:
Mag-post ng isang Komento