(North Cotabato/ April 13, 2015) ---Maagang
sinalubong ni kamatayan ang isang 19-anyos na estudyante makaraang pagbabarilin
sa bisinidad ng brgy. Bucana, Cotabato City, Maguindanao alas 5:00 ng hapon
kahapon.
Kinilala ng hepe ng Police Precinct # 4 na
si Sr. Insp.Alex Lanistosa ang biktima na si Muamar Panda Usman 19 anyos at
estudyante ng STI sa lungsod ng Cotabato.
Nagtamo ng tama ng bala sa ulo at katawan
ang biktima na naging dahilan ng agaran nitong kamatayan.
Ayon kay Lanistosa, alas singko ng hapon
kahapon nang pagbabarilin ang biktima sa bahagi ng brgy. Bucana na nagresulta
sa kanyang kamatayan.
Selos ang isa sa mga motibong pinag-aaralan
ng mga otoridad sa pamamaril at tukoy na umano nila ang suspek sa naturang
insidente.
Samantala, Isa ang patay habang isa rin ang
sugatan sa naganap na vehicular accident sa bayan ng Pigcawayan sa lalawigan ng
North Cotabato kahapon ng hapon.
Nabatid na nangyari ang insidente sa bahagi
ng Crossing Midpapan ng nabanggit na bayan pasado ala una ng hapon kahapon, araw
ng linggo.
Binabagtas umano ng isang pampasaherong van
ang kahabaan ng national highway nang bigla na lamang sumulpot ang motorsiklong
sakay ng dalawa katao na nagresulta sa pagkakabundol sa mga ito.
On the spot na namatay ang driver ng
motorsiklo habang agad ding naisugod sa pagamutan ang back rider nito na
hanggang sa ngayon ay patuloy na inoobserbahan ng mga doctor.
0 comments:
Mag-post ng isang Komento