Written by: RB
(Carmen, North Cotabato/March 5, 2012) ---Sa pamamagitan ng pagbaril sa sarili gamit ang .45 na pistol ay tinapos ng isang 34-anyos na magsasaka ang buhay nito kamakalawa.
Kinilala ng Carmen PNP sa pangunguna ni P/Insp Jordine Maribojo ang biktima na si Marshal Goncian Sanico, may asawa at residente ng Kibayao Carmen, Cotabato.
Batay sa report nasa loob umano ng bahay ni Mr. Roger Baraguir ang biktima ng bigla na lamang umanong binaril nito ang sarili na naging dahilan ng agara nitong kamatayan.
Nagtamo si Sanico ng sugat sa kanyang tenga at mabilis naman itong isinugod Provincial Hospital, Amas Kidapawan City upang malapatan ng lunas, ngunit huli na ang lahat ng dumating sila sa naturang pagamutan ay idiniklara na itong dead on arrival.
Narekober naman ng mga otoridad sa crime scene ang isang kalibre 45 na pistol at ilang mga basyo ng bala.
Posibleng matinding problema umano sa buhay ang dahilan kung bakit nagpakamatay ang biktima. (with reports from Ferdinand Miano)
0 comments:
Mag-post ng isang Komento