 |
| Photo by: Brex Bryan Nicolas, DXVL News |
(Kabacan, North Cotabato/ June 19, 2015) ---Nasa
P320,000.00 ang naitalang pinsala matapos na masunog ang Pong’s Pritong Manok
na nasa Rizal Avenue, Poblacion, Kabacan, Cotabato pasado alas 8:00 kahapon ng
umaga.
Sa panayam ng DXVL News kay Fire Senior
Inspector Ibrahim Guiamalon na napabayaang kumukulong mantika ang pinagmulan ng
apoy.
Batay sa ulat, habang nagpapakulo ng mantika
ang kanilang taga-luto para mag-prito sana ay may panibagong utos naman na
ipinagagawa ang may ari, bagay namang nakaligtaan na nila ang pinakuluang
mantika.
Dahil sa malapit lang sa pader ang
pinaglutuan mabilis na kumalat ang apoy hanggang sa umabot ito sa kanilang
kisame at naabot ang junction box na ginawa ng kanilang electrician.
Kaya mabilis na kumalat ang apoy.
Isa pa sa nagpatindi ng sunog ay dahil sa
hindi marunong gumamit ng fire fighting device ang mga empleyado ng Pong’s
Pritong manok.
Mabilis namang rumesponde ang kagawad ng
pamatay apoy at agad na naapula ito sa loob ng 15 minuto. Rhoderick Beñez
0 comments:
Mag-post ng isang Komento