(Kabacan, North
Cotabato/ June 16, 2015) ---Kalaboso sa isinagawang hot pursuit operation ang
isang carnapper sa bayan ng Datu Montawal sa lalawigan ng Maguiundanao kamakalawa.
Ayon kay PSI Ronnie
Cordero sa panayam ng DXVL News Team, kinilala nito ang suspek na isang Esmael
Panangilan, 27 anyos, binata at residente ng Brgy. Inog-og, Pagalungan,
Maguindanao.
Anya, nakatanggap
umano sila ng report mula sa isang Dante Mangasar Jr., 32 anyos, may-asawa,
isang trycicle driver at residente ng
Malvar Street Poblacion, Kabacan, Cotabato na pwersahan umanong kinuha
ng nasabing suspek ang kanyang minamanehong trycicle na isang Kawasaki Bajaj na
motorsiklo, kulay pula, may plakang 3422MV na nakarehistro sa pangalan ng isang
Estefano Raquel sa Lapu-lapu Street, Purok Crislam, Poblacion, Kabacan,
Cotabato alas 5:45 ng umaga ng kapareho ring araw.
Lumalabas sa inisyal
na imbestigasyon na nagpahatid umano ang suspek sa nasabing lugar ng bigla
nalang nitong tinutukan ng kutsilyo ang biktima.
Dahil sa takot ay
tumakbo nalang ang biktima habang tinangay naman ng suspek ang tycicle at
tumakas sa direksyon papuntang bayan ng Datu Montawal.
Agad nagsagawa ng
pursuit operation operation ang Kabacan PNP na nagreslta sa paghadarakip ng
suspek. Positibo namang kinilala ng biktima ang suspek.
Nakuha mula sa
posisyon ng suspek ang kutsilyong pinananiniwalaang ginamit nitong pantutok sa
biktima.
Sa ngayon ay
naghihimas ng malamig na rehas na bakal sa Kabacan PNP Lock-up-cell ang suspek
habang nahaharap naman sa kasong carnapping. Mark Anthony Pispis
0 comments:
Mag-post ng isang Komento