Pagbababa ng armas ng MILF, pagpapakita ng pagrespeto at pagtupad sa kasunduan ng CAB ---North Cotabato LMT

Photo by: DXVL News

(Sultan Kudarat, Maguindanao/ June 17, 2015) ---Iginiit ng Moro Islamic Liberation Front o MILF na ang ginawang ‘decommissioning’ ay ang pagpapakita ng katapatan at pagrespeto ng MILF ng MILF sa usapang pangkapayapaan.

Ito ayon kay North Cotabato Local Monitoring Team Jabib Guiabar sa panayam sa kanya ng DXVL News.

MILF Chief Negotiator Mohaqher Iqbal

Aniya, Unang yugto pa lamang ng decommissioning process ang pagbababa ng 75 mga armas  maliban pa sa 145 miyembro rin ng Bangsamoro Islamic Armed Forces ng MILF na tumalikod sa pagiging rebelde, kung saan sumailalim sila sa registration at validation process. 

Makatatanggap ang mga sumukong rebelde ng PhilHealth cards at P25,000 bilang cash assistance.

Matapos ang ceremonial turn-over ng mga armas at ng decommissioning ng mga MILF-combatants ay agad na tinurn-over ang mga armas sa isang Independent Decommissioning Body, bilang third party facilitator na pinangunahan ni Turkish Ambassador Haydar Berk, kungsaan ilalagak ito sa Camp Abubakar.

Kabilang sa mga uri ng armas na ibinaba ng MILF ay ang: M16, M14, M1 Garand, 50 Caliber Machine Gun, 60mm Mortar, 81mm Mortar, 60 Caliber Machine Gun, Sniper Barrette Rifle, M79 at Carbine rifle.

Mariin ding itinanggi ni LMT Guiabar na walang katotohanan ang mga haka-haka na may depekto ang mga baril na isinaoli ng mga MILF.

Hindi na umano maaaring bawiin ng MILF ang mga baril na isinauli sapagkat mamumuhay na ang mga ito ng mapayapa at bilang sibilyan. Rhoderick Beñez