Mahigit 200 sumali sa isinagawang Job’s Fair ng LGU Kabacan

(Kabacan, North Cotabato/ August 15, 2013) ---Abot sa mahigit sa 200 mga indibidwal na naghahanap ng trabaho ang sumali sa Jobs fair at employment caravan na isinagawa ng LGU Kabacan sa pakikipagtulungan ng Department of Labor and Employment sa Municipal gym kahapon.

Sinabi ni Public Employment and Services Office designate Jeorge Graza limang Overseas recruitment agency at isang local agency ang dumating sa nasabing Job’s Fair kahapon.

Aniya, 15 mga employer ang kanilang inimbitahan pero umatras umano ang ilan dahil sa mga balitang pambobomba sa bayan.

Sa kabila nito naging matagumpay naman ang nasabing aktibidad bilang bahagi ng 66^th founding anniversary ng bayan ng Kabacan.

Kabilang sa mga dumating ay ang: ADANA MANPOWER services corp., BEST ONE international services and Consultancy, Placewell international services Corp., Zontar Manpower services, SMC manpower services at isang local RAC and ACO General Allied Services. (Rhoderick Beñez)