150 packs ng fingerlings, ipinamahagi sa mga magsasaka sa DA day

(Kabacan, North Cotabato/ August 16, 2013) ---Abot sa 150 packs ng tilapia fingerlings ang ipinamahagi sa mga magsasaka ng Kabacan sa DA Day ngayong araw bilang bahagi ng programa ng 66^th Founding Anniversary ng Kabacan.   

Nanguna sa nasabing dispersal si Kabacan Mayor Herlo Guzman, Jr., Councilor Jonathan Tabara, may hawak ng committee on agriculture at ilan pang mga opisyal kasama ang mga kawani ng Municipal Agriculture Office.

Kaugnay nito, nabahaginan din ang 250 magsasaka ng Zinc Phospide, 220 magsasaka rin ang nabigyan ng vegetables seeds.

Abot naman sa 66 na mga aso ang nabakunahan ng anti-rabbies mula sa 29 na mga dog owners.

Samantala, nagsimula na rin ngayong araw ng registration ng DA sa lahat ng mga magsasaka sa Kabacan.

Layon ng nasabing registration na maitala ang lahat ng mga magsasaka sa bayan upang diritsang mabibigyan ng mga benepisyaryo ang mga ito buhat sa mga programa ng Municipal Agriculture Office. (Rhoderick Beñez)